Zebur 40 - Mukaddes Kitap

40-njy mezmur

1 Aýdymçylar toparynyň ýolbaşçysyna. Dawudyň mezmury .

¹ Aýdymçylar toparynyň ýolbaşçysyna. Dawudyň mezmury.

² Ejizlere rehimli garaýan nähili bagtly! Ýaman günde Reb ony halas eder.

³ Reb ony gorar, aman galdyrar, ýer ýüzünde oňa bagtly diýerler; Sen duşman eline ony bermersiň.

⁴ Hassalyk düşeginde Reb onuň daýanjy bolar, Reb oňa bütinleý şypa berer.

⁵ Men diýdim: «Ýa Reb, maňa merhemet eýle, şypa ber, çünki men günäli Seniň öňüňde».

⁶ Duşmanlarym men barada erbet gürrüň edýärler. «Haçan ölüp, ady-sory ýiter?» diýýärler.

⁷ Olardan biri meni görmäge gelse, ýalan sözleýär, ýüregi gybat toplaýar, daşaryk çykandan soň, ony ýaýradýar.

⁸ Men barada pyşyrdaşýar meni ýigrenýänleriň bary, maňa garşy ýaman niýet edýärler.

⁹ Olar: «Ol ölüm howply bela uçrady, ine, ýatyr, indi galmaz» diýýärler.

¹⁰ Hatda duzumy iýen, bil baglan dostum maňa haýynlyk etdi.

¹¹ Emma Sen, ýa Reb, maňa merhemet eýle, meni dikelt, men olaryň almytyny bereýin.

¹² Duşmanlarym menden üstün çykmasa, Seniň menden hoşaldygyňy bilerin.

¹³ Sen meni aýypsyzlygymda berkidýäň; Öz huzuryňda ebedilik duruzýaň.

¹⁴ Ysraýylyň Hudaýy Rebbe alkyş bolsun ezelden ebedä çenli! Omyn! Omyn!