Zebur 33 - Mukaddes Kitap

33‑nji mezmur

1 Dawudyň Abymelegiň öňünde özüni dälilige uran wagtyndaky mezmury . Abymelek Dawudy kowandan soň, ol gitdi.

¹ Dawudyň Abymelegiň öňünde özüni dälilige uran wagtyndaky mezmury. Abymelek Dawudy kowandan soň, ol gitdi.

Alef

Alef

² Men Rebbe hemişe alkyş aýdaryn, Oňa öwgi elmydama agzymda bolar.

Bet

Bet

³ Reb bilen meniň janym magtanar, pespäller eşider hem-de şat bolar.

Gimel

Gimel

⁴ Meniň bilen bile Rebbi öweliň, beýgeldeli bilelikde Onuň adyny.

Dalet

Dalet

⁵ Men Rebbi agtardym, Ol jogap berdi hem-de ähli howplardan meni halas eýledi.

He

He

⁶ Oňa nazar salyň, nurlanarsyňyz, asla utandyrylmaz siziň ýüzüňiz.

Zaýin

Zaýin

⁷ Men-biçäre Rebbi çagyrdym, Ol hem eşitdi, meni ähli azaplarymdan halas eýledi.

Ḥet

Ḥet

⁸ Reb perişdesi Ondan gorkýanlary gurşaýar, olary bela-beterden halas eýleýär.

Ṭet

Ṭet

⁹ Dadyp görüň Reb ýagşylygyny, Ony pena edinýän nähili bagtly!

Ýod

Ýod

¹⁰ Rebden gorkuň, eý, Onuň mukaddesleri, Ondan gorkýanlaryň ýok mätäçligi.

Kaf

Kaf

¹¹ Hatda ýolbarslar hem çekýär ejir bilen açlygy, Rebbi agtarýanlar bolsa çekmez hiç mätäçligi.

Lamed

Lamed

¹² Geliň, eý, ogullarym, diňläň siz meni, öwredeýin size Rebden gorkmagy.

Mem

Mem

¹³ Isleýärmiň döwran sürmegi? Göresiň gelýärmi ýagşy günleri?

Nun

Nun

¹⁴ Ýamanlykdan sakla sen öz diliňi we hileli gepden – dodaklaryňy;

Sameh

Sameh

¹⁵ ýamanlykdan aýryl, et sen ýagşylyk, parahatlyk agtar, onuň yzyndan galma.

Ğaýin

Ğaýin

¹⁶ Dogry adamlarda Rebbiň gözleri, perýatlaryna açyk Onuň gulagy.

Pe

Pe

¹⁷ Rebbiň ýüzi betkärlere garşydyr; olary ýatlamadan ýer ýüzünde nyşan galdyrmaz.

Tsadi

Tsadi

¹⁸ Reb eşidýär dogrular perýat edende, Ol olary ähli muşakgatlaryndan halas eýleýär.

Ķof

Ķof

¹⁹ Reb kalby synyklara ýakyndyr; ruhdan düşenleri halas edýändir.

Reş

Reş

²⁰ Dogry ynsanyň dertleri köpdür, emma Reb ählisinden ony halas edýändir.

Şin

Şin

²¹ Onuň ähli süňklerini goraýar, olaryň biri hem döwülmez.

Taw

Taw

²² Ýamanlyk erbet adamy öldürer, dogry adamy ýigrenýän höküm ediler.

²³ Reb Öz bendelerini halas edýändir, Ony pena edinýänleriň hiç biri höküm edilmez.