Zebur 3 - Mukaddes Kitap

3‑nji mezmur

1 Dawudyň öz ogly Abşalomdan gaçan mahaly aýdan mezmury .

¹ Dawudyň öz ogly Abşalomdan gaçan mahaly aýdan mezmury.

² Ýa Reb! Duşmanlarym neneň köpeldi! Maňa garşy baş göterýänleriň sany kän.

³ Köpler men babatda: «Hudaý ony halas etmez» diýýärler. Sela

⁴ Emma Sen, ýa Reb, daşymda bir galkansyň, şan-şöhratym, başymy dikeldýän Sensiň.

⁵ Men Rebbe edýärin dady-perýady, Ol mukaddes dagyndan maňa berýär jogaby. Sela

⁶ Men ýatýaryn hem-de uka gidýärin, sag-aman oýanýaryn, çünki Reb goldaýar meni.

⁷ Çar tarapdan meniň garşyma çykan biçak köp duşmandan gorkmaýaryn men.

⁸ Galk Sen, ýa Reb! Eý, Hudaýym, halas et meni! Ähli duşmanlarymyň äňine urýaň, erbetleriň dişlerini kül-owram edýäň.

⁹ Ýeňiş Rebdendir, berekediň Seniň halkyňyň üstünde bolsun. Sela