Zebur 24 - Mukaddes Kitap

24‑nji mezmur Alef

Dawudyň mezmury
Alef

¹ Ýa Reb, men köňlümi Saňa göge göterýän.

Bet

Bet

² Eý, Hudaýym, men Saňa bil baglaýan; men utanja galmaýyn; duşmanlarym menden üstün çykmasyn.

Gimel

Gimel

³ Saňa intizarlar galmasynlar utanja, nähak ýere hyýanat edýänler galsyn utanja.

Dalet

Dalet

⁴ Ýa Reb, maňa salgy ber Öz ýollaryňy hem-de öwret maňa ýodalaryňy.

He

He

⁵ Meni hakykatyňda ýöret hem maňa öwret, çünki meni halas edýän Hudaý Sen; men uzakly gün Saňa intizardyryn.

Zaýin

Zaýin

⁶ Ýa Reb, ýadyňa sal merhemetdir sadyk söýgiňi, çünki olar bardyr gadymdan bäri.

Ḥet

Ḥet

⁷ Ýatlama Sen ýaşlyk günälerimi hem-de bitabynlyk ýodalarymy. Ýa Reb, sadyk söýgiňe görä, Öz ýagşylygyň hatyrasyna ýada sal meni.

Ṭet

Ṭet

⁸ Reb ýagşy hem-de dogrudyr Ol günäkärlere Öz ýoluny öwredýär.

Ýod

Ýod

⁹ Dogry ýola gönükdirýär göwni pesleri Öz ýoluny pespällere öwredýär.

Kaf

Kaf

¹⁰ Onuň ähtiniň düzgünlerini saklaýanlara söýgi bilen sadyklykdyr Rebbiň ähli ýollary.

Lamed

Lamed

¹¹ Ýa Reb, Öz adyň hatyrasyna bagyşla Sen meniň etmişlerimi, çünki uludyr olar.

Mem

Mem

¹² Rebden gorkýan ynsan bar bolsa, Reb oňa öwreder saýlamaly ýoluny.

Nun

Nun

¹³ Ol ýaşajakdyr bolelinlikde, ýeri miras alar onuň zürýady.

Sameh

Sameh

¹⁴ Reb Öz niýetini Ondan gorkýanlara aýan eýleýär, Ol olara Öz ähtini bildirýär.

Ğaýin

Ğaýin

¹⁵ Gözlerim mydama Rebbe garap dur, çünki Ol aýaklarymy tordan çykarar.

Pe

Pe

¹⁶ Maňa öwrül-de, merhemet eýle, çünki men ýalňyz, ezýetlidirin.

Tsadi

Tsadi

¹⁷ Ýüregimiň gaýgy-hasraty artdy; jebir-jepalarymdan halas et meni.

Reş

Reş

¹⁸ Muşakgatym bilen yzama seret hem-de meniň ähli günälerimi öt.

¹⁹ Gör Sen köpdügini duşmanlyrymyň, olar güýçli ýigrenç bilen ýigrenýär meni.

Şin

Şin

²⁰ Janymy gora-da, halas et meni, utanmaýyn, çünki pena edindim Seni.

Taw

Taw

²¹ Kämillikdir dogrulyk meni gorasyn, çünki men Saňa intizardyryn.

²² Eý, Hudaý, ysraýyl halkyny ähli muşakgatlardan Sen halas eýle.