Zebur 2 - Mukaddes Kitap

2‑nji mezmur

¹ Milletler arasyndaky başbozarlyk näme? Halklar nämä biderek pitne turuzýar?

² Rebbe we Onuň saýlanyna garşy dünýä şalary aýaga galýar; hökümdarlar birigýär we baş galdyrýar.

³ Olar şeýle diýýär: «Sypyryp taşlalyň gandallaryny hem-de gyralyň zynjyrlaryny».

⁴ Göklerde oturan Taňry olaryň üstünden gülýär hem-de olary masgaralaýar.

⁵ Şonda olara gahar bilen ýüzlener, gazabynda olary eýmendirer:

⁶ «Mukaddes dagym Sionda Mendirin Öz patyşamy oturdan».

⁷ Patyşa: «Men Rebbiň permanyny yglan edeýin» diýýär. «Sen Meniň oglumsyň, – diýdi Ol maňa – bu gün Ataň boldum Men.

⁸ Menden dile, saňa bereýin milletleri miras hökmünde, tutuş älem-jahany mülk hökmünde.

⁹ Sen olary demir hasaň bilen döwersiň, küýzegäriň golçasy deý çym-pytrak edersiň».

¹⁰ Şeýlelikde, eý, patyşalar, paýhasly boluň; dünýä hökümdarlary, şundan habarly boluň:

¹¹ Rebbe gulluk ediň siz gorky bilen: hem galpyldaň, hem-de şatlanyň.

¹² Ogly öpüň, ýogsa ol gazaba müner, siz hem heläk bolarsyňyz öz ýoluňyzda, çünki tiz tutaşýar onuň gazaby. Ony pena edinýänleriň ählisi bagtly.