Zebur 19 - Mukaddes Kitap

19-njy mezmur

1 Aýdymçylar toparynyň ýolbaşçysyna. Dawudyň mezmury .

¹ Aýdymçylar toparynyň ýolbaşçysyna. Dawudyň mezmury.

² Muşakgatly günde Reb saňa jogap bersin, Ýakubyň Hudaýy seni gorasyn.

³ Ol saňa mukaddes öýden ýardam ibersin hem-de Siondan seni goldasyn.

⁴ Seniň ähli sadakalaryňy, goý, ýada salsyn, ýakma gurbanlyklaryňy kabul eýlesin. Sela

⁵ Ýürek arzuwlaryňy Ol hasyl etsin, ähli maksatlaryňa seni ýetirsin.

⁶ Seniň ýeňşiňe joşup şatlanarys, Hudaýymyzyň adyna baýdaklar dikeris. Goý, Reb seniň ähli dilegleriňi bitirsin.

⁷ Men indi bilýärin: Öz seçip-saýlanyny Reb halas eder. Ol golunyň gudratly işleri bilen, jogap berer Öz mukaddes gögünden.

⁸ Käbirleri söweş arabalaryna, käbirleri-de bedewlerine buýsanýar, biz bolsa Hudaýymyz Rebbiň adyna buýsanýandyrys.

⁹ Olar büdrär hem-de ýykylar, biz bolsa turarys hem dik durarys.

¹⁰ Ýa Reb! Patyşany halas et, çagyran wagtymyzda bize jogap ber.