Zebur 147 - Mukaddes Kitap

147‑nji mezmur

¹ Eý, Iýerusalim, Rebbe öwgi aýt! Eý, Sion, Hudaýyňa şan-şöhrat bolsun!

² Çünki Ol derwezeleriňiň kiltlerini berkidýär, galadaky çagalaryňa ak pata berýär.

³ Çäkleriňde parahatlygy berkarar edýär, saýlama bugdaýdan seni doýurýar.

⁴ Ol buýruklaryny ýere gönderýär, Onuň sözi tizlik bilen ýaýraýar.

⁵ Gar ýagdyryp, ýeri ak ýorgana büreýär, kül kimin gyrawy Ol sepeleýär.

⁶ Buzlaryny parçalap, ýere taşlaýar, Rebbiň aýazyna döz geljek barmy?

⁷ Ol buýurýar, buzlar ereýär, ýel ösdürip, suwlar akdyrýar.

⁸ Ol Ýakup halkyna yglan edýär sözüni, Ysraýyla – parzlaryny we hökümlerini.

⁹ Reb başga hiç millete şeýle etmeýär, olar Onuň adalatly hökümlerini bilmeýär. Rebbe şan-şöhrat bolsun!