Zebur 145 - Mukaddes Kitap

145‑nji mezmur

¹ Rebbe şan-şöhrat bolsun! Rebbi şöhratlandyr, eý, meniň janym!

² Men ömürboýy Rebbi şöhratlandyraryn, demim barka Hudaýyma nagma aýdaryn.

³ Şazadalara, ynsan ogluna hiç bil baglamaň, çünki olar halas etmeýär.

⁴ Olaryň jany çykyp, topraga gaýdyp baranda, şol günüň özünde niýetleri puç bolýar.

⁵ Neneň bagtly Ýakubyň Hudaýyna daýanýan, onuň Hudaýy Rebbe umyt baglaýan!

⁶ Ýeri, gögi, deňzi we olardaky ähli janly-jandarlary ýaradan Oldur, sadyklygy ebedi saklaýan Oldur.

⁷ Ol ezilenleriň hakyny alyp berýändir, açlara nan berýän Oldur, Reb ýesirleri boşadýar.

⁸ Reb körleriň gözüni açýar, Reb bükülenleri dikeldýär, Reb dogry ynsanlary söýýär.

⁹ Reb gelmişekleri gözden salmaýar, dul hatynlary, ýetimleri goldaýar, emma erbetleriň ýoluny weýran edýändir.

¹⁰ Reb höküm sürer ebedi, eý, Sion, seniň Hudaýyň – nesillerboýy. Rebbe şan-şöhrat bolsun!