Zebur 137 - Mukaddes Kitap

137‑nji mezmur

Dawudyň mezmury

¹ Ýa Reb, tüýs ýürekden Saňa şükür ederin, ylahy barlyklar öňünde Saňa nagma aýdaryn.

² Mukaddes ybadathanaňyň öňünde sežde ederin, Saňa söýgiň, wepadarlygyň üçin şükür ederin. Çünki Sen Öz adyňy hem-de sözüňi ähli zatdan beýgeltdiň.

³ Çagyran günümde Sen jogap berdiň, janymy güýç bilen kuwwatlandyrdyň.

⁴ Ýa Reb, ýer ýüzüniň ähli şalary Saňa şükür edýärler, çünki eşitdiler agzyňdan çykan sözleri.

⁵ Olar Rebbiň ýollary barada nagma aýdarlar, çünki Rebbiň şöhraty beýik.

⁶ Reb beýik bolsa hem, pespällere nazaryn salýar, emma tekepbirleri uzak ýerden saýgarýar.

⁷ Muşakgat içinde gezsem-de, meni aman saklaýaň, duşmanlaryma garşy Öz eliňi uzadýaň. Seniň goluň meni halas eýleýär.

⁸ Reb meniň arymy alar; ýa Reb, Seniň söýgiň ebedi galar, Öz elleriňiň işini Sen terk eýleme.