Zebur 13 - Mukaddes Kitap

13‑nji mezmur

1 Aýdymçylar toparynyň ýolbaşçysyna. Dawudyň mezmury .

¹ Aýdymçylar toparynyň ýolbaşçysyna. Dawudyň mezmury. Akmak adam ýüreginde: «Hudaý ýok» diýýär. Olar azýar we ýigrenji işleri edýär; ýagşylyk edýän ýok.

² Paýhasly we Hudaýy agtarýan barmyka diýip, Reb göklerden adamzada nazar aýlaýar.

³ Olaryň hemmesi ýoldan çykdylar, bary deň derejede haram boldular; ýagşylyk edýän ýok, ýok ýeke biri-de.

⁴ Eýsem düşünmeýärmi ähli betkärler? Olar halkymy çörek ýaly iýýärler hem-de Rebbi çagyrmaýarlar.

⁵ Olar şol ýerde gorka düşerler, çünki Hudaý dogrularyň tarapdarydyr.

⁶ Siz äsgermeýärsiňiz garybyň niýetlerini, ýöne welin Rebdir onuň penasy.

⁷ Wah, gelsedi Siondan Ysraýyl ýeňşi! Reb halka öňki abadançylygyny gaýtaryp berende, Ýakup nesli begener, Ysraýyl hem şatlanar.