Zebur 129 - Mukaddes Kitap

129-njy mezmur

Zyýarat nagmasy

¹ Ýa Reb, çuňluklardan çagyrýan Seni.

² Eý, Taňry, eşit sesimi, dat-perýatlarymyň sesini gulagyň diňlesin ünsli.

³ Ýa Reb, günäleri hasaba alsaň, ýa Taňry, huzuryňda kim durup biler?

⁴ Emma Senden gorkarlar ýaly, Sende bardyr geçirimlilik.

⁵ Men Rebbe intizar, janym intizar, men Onuň sözüne umyt baglaýan.

⁶ Garawullar daňyň atmagyna intizar, hawa, garawullar daňyň atmagyna intizar, meniň janym şondan hem köp Taňra intizar.

⁷ Eý, Ysraýyl, Rebbe bagla öz umydyňy: Reb sadyk söýgüsini görkezýär, Ol hemişe halas etmäge taýýar.

⁸ Ysraýyly ähli günälerinden Ol halas eder.