Zebur 127 - Mukaddes Kitap

127‑nji mezmur

Zyýarat nagmasy

¹ Rebden gorkýan, Onuň ýollaryndan ýöreýän nähili bagtly!

² Sen öz el zähmetiňiň miwesini iýersiň, ýalkanarsyň, ýagşylyk seniňki bolar.

³ Aýalyň miweli üzüm agajy deý bolar seniň öýüňde ogullaryň zeýtun nahallary deý – saçagyňyň başynda

⁴ Rebden gorkýan, ine, şeýle ýalkanar!

⁵ Reb saňa Siondan ak pata berer! Ömürboýy Iýerusalimiň rowaçlygyny görersiň.

⁶ Sen ogullaryňyň ogullaryny görersiň. Goý, Ysraýylda rahatlyk bolsun!