Zebur 126 - Mukaddes Kitap

126-njy mezmur

Süleýmanyň zyýarat nagmasy

¹ Eger öýi Reb bina etmese, ony bina edýänleriň azaby puçdur. Eger şäheri Reb goramasa, garawulyň oýa durmagy puçdur.

² Eklenmek üçin der dökmegiňiz, ir turup, giç ýatmagyňyz puçdur. Hawa, Ol söýýänine hatda ýatyrka-da rysgal berýändir.

³ Çagalar Rebden bolan mirasdyr, ýatgynyň miwesi Ondan sylagdyr!

⁴ Ýaşlyk çagynyň ogullary edermeniň elindäki peýkamlar ýaly:

⁵ sagdagyny olardan dolduran bagtly! Ol derwezede duşmany bilen gürleşen wagty utandyrylmaz.