Zebur 125 - Mukaddes Kitap

125‑nji mezmur

Zyýarat nagmasy

¹ Reb Sionyň abadanlygyny gaýtaranda, bu bize bir düýş kimin göründi.

² Şonda gülküden doludy biziň agzymyz, şatlyk şowhunyndan – biziň dilimiz. Şonda milletler arasynda şeýle diýildi: «Reb olara beýik işleri etdi».

³ Reb bize beýik işleri etdi, şoňa görä, biz şatlykdan doly.

⁴ Ýagşyň çöli gülzarlyga öwrüşi kimin, ýa Reb, gaýtar bize öňki abadanlygy.

⁵ Gözýaş bilen ekin ekenler, heşelle kakyp, hasyl orarlar.

⁶ Tohumly çuwallary aglap göterip barýan, desselerini göterip, şatlyk bilen dolanar.