Zebur 124 - Mukaddes Kitap

124‑nji mezmur

Zyýarat nagmasy

¹ Rebbe bil baglaýanlar Sion dagy deý: ol sarsmaz, ol durar asyrlarboýy.

² Daglaryň Iýerusalimi gurşaýşy ýaly, şindiden asyrlarboýy Reb gurşaýar Öz halkynyň daşyny.

³ Dogrularyň ýurdunda erbetler höküm sürmezler baky, ýogsa dogrularyň hem ýamanlyk etmegi ahmal.

⁴ Ýa Reb, Sen ýalka, ýagşylary we päk ýüreklileri.

⁵ Emma Reb özleriniň egri ýollaryna sowlanlary, betkärler bilen bile jezalandyrar; goý, Ysraýylda rahatlyk bolsun!