Zebur 119 - Mukaddes Kitap

119-njy mezmur

Zyýarat nagmasy

¹ Muşakgatly wagtym çagyrdym Rebbi, Ol hem maňa berdi jogaby.

² Ýa Reb, ýalançy agyzdan, hileli dilden halas et meni.

³ Eý, hileli dil, saňa gör-bak näme ediler! Onuň üstesine näme goşular?

⁴ Edermeniň ýiti oklary, ojaryň ýandyryjy közleri!

⁵ Dat-bidat meniň halyma! Çünki Meşekde sergezdan boldum, Kedar çadyrlarynda mesgen tutmaly boldum;

⁶ dawa-jenjel agtarýan halkyň içinde, uzak wagtlap mesgen tutmaly boldum.

⁷ Parahatlygyň tarapdary men, emma agzymy açan badyma, olar eýýäm uruş-jenjele taýýar.