Zebur 114 - Mukaddes Kitap

114‑nji mezmur

¹ Rebbi söýýärin, çünki Ol eşitdi sesimi, dat-perýadymy.

² Ol maňa gulak goýandygy sebäpli, Ony çagyraryn men ömürboýy.

³ Ölüm tanaplary maňa oraldy, ölüler dünýäsiniň sütemleri üstüme indi, meni jebir-jepa, gam-gussa basdy.

⁴ Men şonda çagyrdym Rebbi: «Ýa Reb, ýalbarýaryn, halas et meniň janymy!»

⁵ Reb dogry we merhemetli, biziň Hudaýymyz rehimli.

⁶ Reb goraýar sada ynsany, tapdan düşenimde, Ol meni halas eýledi.

⁷ Rahatlygyňa öwrül, eý, meniň janym, çünki Reb saňa jomartlyk etdi.

⁸ Sen ölümden halas etdiň janymy, gözýaşlardan – meniň gözümi, büdremekden – aýaklarymy.

⁹ Men diriler diýarynda Rebbiň huzurynda gezerin.