Zebur 111 - Mukaddes Kitap

111‑nji mezmur

¹ Rebbe şan-şöhrat bolsun! Rebden gorkýan, buýruklaryndan lezzet alýan nähili bagtly!

Alef Bet Gimel

Gimel

² Onuň zürýady ýurtda kuwwatly bolar, dogrularyň nesli bereket tapar.

Dalet He

He

³ Bolelinlik, baýlyk onuň öýünde bolar, dogrulygy dowam eder asyrlarboýy.

Waw Zaýin

Zaýin

⁴ Dogry ynsan üçin hatda garaňkyda nur dogar, ol mähriban, dogruçyl we rehimlidir.

Ḥet Ṭet

Ṭet

⁵ Jomart, karz berýän ynsan gowudyr, ol işlerini adalatly ýola goýýandyr.

Ýod Kaf

Kaf

⁶ Çünki dogry ynsan hiç haçan sarsmaz, müdimilik ol unudylmaz.

Lamed Mem

Mem

⁷ Ol şum habardan gorkmaz, Rebbe bil baglap, ýüregi sarsmaz.

Nun Sameh

Sameh

⁸ Onuň ýüregi mäkäm, ol asla eýmenmez, iň soňunda duşmanlarynyň ýeňlişin görer.

Ğaýin Pe

Pe

⁹ Ol sahylyk bilen paýlady, mätäje berdi, onuň dogrulygy dowam eder ebedi, at-abraýy bilen bile artýar kuwwaty.

Tsadi Reş

Reş

¹⁰ Erbet adam muny görüp, gazaba münýär, dişini gyjaýar we ruhdan düşýär; erbet adamyň göwün islegleri puç bolar.