Zebur 110 - Mukaddes Kitap

110-njy mezmur

¹ Rebbe şan-şöhrat bolsun! Men dogrularyň mejlisinde we jemagatda tutuş kalbym bilen Rebbe şükür ederin.

Alef Bet Gimel

Gimel

² Beýikdir Rebbiň işleri, olary agtarýar bar muşdaklary.

Dalet He

He

³ Onuň işi dabaradan, şöhratdan doly, Onuň dogrulygy dowam edýär ebedi.

Waw Zaýin

Zaýin

⁴ Ol ýatdan çykmajak gudratly işleri etdi, Reb merhemetli hem-de rehimli.

Ḥet Ṭet

Ṭet

⁵ Ol Özünden gorkýanlara berýär rysgaly, eden ähti ýadyndadyr müdimi.

Ýod Kaf

Kaf

⁶ Ol halkyna işleriniň gudratyny görkezdi: milletleriň mirasyny olara berdi.

Lamed Mem

Mem

⁷ Onuň elleriniň işleri wepaly we adalatly, Onuň bar buýruklary ygtybarlydyr.

Nun Sameh

Sameh

⁸ Elleriniň işleri berkarar edildi asyrlarboýy, wepalylyk we dogrulyk olaryň binýatlary.

Ğaýin Pe

Pe

⁹ Reb Öz halkyny halas eýledi, Öz ähtini baky buýurdy; Onuň ady mukaddes hem-de wehimli.

Tsadi Reş

Reş

¹⁰ Rebden gorkmak – danalyk başy, muny amal edýänleriň düşünjeleri dogry. Onuň senasy dowam edýär asyrlarboýy.