Zebur 11 - Mukaddes Kitap

11‑nji mezmur

1 Aýdymçylar toparynyň ýolbaşçysyna. Sekiz kirişli saz guralynda. Dawudyň mezmury .

¹ Aýdymçylar toparynyň ýolbaşçysyna. Sekiz kirişli saz guralynda. Dawudyň mezmury.

² Halas et, ýa Reb, sadyk adam galmady, adamzat arasyndan ynamdarlar ýitirim boldy.

³ Olar biri-birine ýalan sözleýär; ýaranjaň dilleri ikigepli gürleýär.

⁴ Goý, Reb ähli ýaranjaň agyzlary, badyhowa gürleýän dilleri kessin.

⁵ Olar şeýle diýýär: «Dilimiz arkaly üstün çykarys, agyz özümiziňki – kim bize hojaýyn çykýan?»

⁶ Garyplaryň ezilişinden, mätäçleriň ahyndan ýaňa Reb şeýle diýýär: «Men şu pursat turaryn, olary küýseýän howpsuzlygyna gowuşdyraryn».

⁷ Rebbiň sözleri sap sözlerdir, toýun küresinde arassalanyp, ýedi gezek saplanan kümüş kimindir.

^8-9 Erbetler gezýär ähli ýerlerde, adamzat ýamanlyga hormat goýanda. Ýa Reb, Sen bize pena bolarsyň, bizi bu adamlardan baky gorarsyň.