Zebur 100 - Mukaddes Kitap

100‑nji mezmur

Dawudyň mezmury

¹ Men sadyklyk we adalat barada nagma aýdaryn, ýa Reb, men Saňa şatlanyp, nagma aýdaryn.

² Men kämillik ýolundan ýörärin. Wah, haçan gelerkäň meniň ýanyma?! Öýümde ýürek kämilliginde ýaşaryn.

³ Göz alnymda ýaman zada men ýol bermerin, günä etmegi men ýigrenýärin, günä maňa ýanaşmaz.

⁴ Ýürek azgynlygyndan daşda bolaryn, ýamanlyga şärik bolmaryn.

⁵ Gizlinlikde ýakynyna töhmet atany weýran ederin, gözi ýer görmeýäne, tekepbir ýüreklä çydap bilmerin.

⁶ Ýurduň sadyklarynyň maňa ýoldaş bolary ýaly, men olara mähir bilen gararyn. Meniň gullugymda kämillik ýolunda gezýänler durar.

⁷ Hilegärlik edýän meň öýümde ýaşamaz, ýalan sözleýän gaşymda durmaz.

⁸ Rebbiň şäherinden betkärleri kowmaklyk üçin, sähersaýyn ýurtdaky erbetleri weýran ederin.