تیتوس 3 - مُقادِّس کیتاب

ایماندارلارا گِلیشیَن یُل

¹ اِی اُغلوم، ایماندارلارا هِمیشه شولاری یادلادیپ دور:‏ قُی، اُلار حُکومدارلارا و ایختییارلیلارا قولاق آسیپ، اُلارا موطیع بُلسونلار، ایسلِندیک واقت یاخشیلیق اِتمَگه تاییار بُلسونلار.‏

² هیچ کیمی یامانلاماسینلار، داعوا-جِنجِلدِن داش دوروپ، میلاییم و هِمّه‌لِره یومشاقلیق گُرکِزسینلِر.‏

³ بیز هِم دوشونجِسیز، موطیع‌سیز بُلوپ، یُلدان آزاشیپدیق، هِر هیلی هُوِسلِرینگ و کِیپی-صاپانینگ قول‍لارینا اُورولیپدیک، قاهارجانگدیق، باخیلدیق و بیری-بیریمیزدِن ییگرِنیَردیک.‏

⁴ اِمّا نِجات بِریَنچیمیز خودایینگ یاخشیلیغی و اینسانا بُلان سُیگوسی اَشکَر بُلاندا،

⁵ بیز دُغرولیغا دایانیپ اِدِن ایشلِریمیزینگ اوستو بیلِن دَل-ده، اُنونگ رِحم-شِپاقاتینینگ اوستو بیلِن نِجات بِریلدیک.‏ خودای بیزی مُقادِّس روحونگ اوستو بیلِن اویتگِدیپ، قایتادان دُغلوشینگ اوستو بیلِن پَکلِدی.‏

^6-7 بیز خودایینگ مِرحِمِتی بیلِن آقلانیپ، اُنونگ باقی یاشایشا اومید باغلایان میراثداری بُلار یالی، خودای بیزه نِجات بِریَنچیمیز عیسی مسیحینگ اوستو بیلِن مُقادِّس روحی بُلدان-بُل بِردی.‏

⁸ بو سُزلِرینگ باری حاقیقاتدیر.‏ خودایا ایمان گِتیرِنلِرینگ یاخشیلیق اِتمِکده قُلایلاشماقلاری اوچین، بو زاتلاری خاص بِلِّمِگینگی ایسلِیَرین.‏ بو زاتلار اینسانلار اوچین قاوی و پِیدالیدیر.‏

⁹ بُش چِکِلِشیکلِردِن، نِسل شِجِره‌لِری و شِریغات حاقدَکی داعوا-جِنجِل‍لِردِن داش دور.‏ سِبَبی بولار پِیداسیز و بیدِرِک زاتلاردیر.‏

¹⁰ آرانی بُلیَن آداما بیرکی گِزِک ناصیحات بِر.‏ اِمّا شُندا-دا نییِتیندِن قایتماسا، اُندان داش دور.‏

¹¹ بِیله آدامینگ یُلدان آزاشیپ، گونَه اِدیَندیگینی و مَحکوم بُلما باهانا بِریَندیگینی اُزونگ-ده بیلیَنسینگ.‏

ایسلِگلِر و سالاملار

¹² مِن آرتیماسی یا-دا تیخیکوسی سِنینگ یانینگا یُلّاماقچی.‏ اُلاردان بیری باراندان سُنگ، قایرات اِدیپ، نیکوپولیسده، مِنینگ یانیما گِلجِک بُل.‏ سِبَبی مِن قیشی شو یِرده گِچیرمِگی یورِگیمه دوودوم.‏

¹³ وِکیل زِناس و آپولُسی یُلا سالمازدان اُنگ، اُلارینگ یُل شایلارینینگ بارلی بُلماغی بارادا کُمِک اِت.‏

¹⁴ ایماندارلار هِم نِتیجه‌سیز یاشاماز یالی، مَحتَجلِره یاردیم بِرمِگینگ اوستو بیلِن یاخشیلیق اِتمِگی عادات اِدینسینلِر.‏

¹⁵ مِنینگ یانیمداقیلارینگ هِمّه‌سی سانگا سالام آیدیار.‏ سِن هِم بیزی سُییَن ایمانلی دُغانلاریمیزینگ بارینا سالام آیت.‏ قُی، خودایینگ مِرحِمِتی سیزینگ بارینگیز بیلِن بُلسون!‏