تیتوس 2 - مُقادِّس کیتاب

قاوی تَعلیمات حاقینداقی ناصیحاتلار

¹ سِن بُلسا دُغری تَعلیماتا لاییق گِلیَن زاتلاری اُورِت.‏

² قارّی آداملارا میلاییم، حُرماتا میناسیپ، اُز نِفسینی ساقلایان بُلسونلار و ایمان، سُیگی و صابیر-طاقات باباتدا قاوی بُلماقلارینی ناصیحاتلا.‏

³ شُنونگ یالی، قارّی آیال‍لار هِم غیباتا، شِرابا یورِگینی بِرمَن، تِرسینه، خودایینگ خالقینا گِلیشیَن یُلدا یاشاپ، هِمّه‌لِره یاخشی زاتلاری اُورِتمِکلِرینی ناصیحاتلا.‏

^4-5 خودایینگ سُزونه دیل یِتیریلمِز یالی، قُی، بو قارّی آیال‍لار یاش گِلین-قیزلارا اُز اَرلِرینی و فِرزِنتلِرینی سُیمِگی، اُز نِفسیلِرینی ساقلاماغی، پَک آخلاقلی، اُیلِری باباتدا ایخلاصلی، مَهیرلی و اَرلِرینه موطیع بُلماغی اُورِتسینلِر.‏

⁶ یاش ییگیتلِره هِم اُز نِفسیلِرینی ساقلاماغی ناصیحاتلا.‏

⁷ یاخشی ایشلِرینگ بیلِن اُلارا هِمّه زاتدا نِمونه بُل.‏ تَعلیماتی صاپ یورِکدِن اِدِبلیلیک بیلِن اُورِت،

⁸ سُزلِرینگ عایپسیز و شِکسیز بُلسون.‏ شُندا قارشی چیقیانلار بیزی یامانلاماغا کِپ تاپمان، اوتانجدا قالارلار.‏

⁹ قول‍لارا اُز آقالارینا هِر زاتدا موطیع بُلماغی و اُلارینگ گُونونی آلماغینی ناصیحاتلا.‏ اُلار آقالارا دیل قایتارماسینلار،

¹⁰ اُلاردان زات اُغورلاماسینلار، قایتام هِر زاتدا خاص وِفالی بُلسونلار.‏ شِیدیپ، اُلار نِجات بِریَنچیمیز خودایینگ تَعلیماتینینگ هِر طارافدان عجاییپدیغینی تاصدیقلارلار.‏

¹¹ چونکی خودایینگ هِمّه‌لِری نِجات بِریَن مِرحِمِتی اَشکَر بُلدی.‏

¹² بو مِرحِمِت بیزه خودایسیزلیغی و دونیِوی هُوِسلِری رِد اِتمِگی اُورِدیَر، بو زاماندا اُز نِفسینی ساقلاماغی، تاقوالیغی، خودایینگ یُلونینگ ایزینا دوشمِگی ناصیحاتلایار.‏

¹³ بیز بو یُلونگ ایزینا دوشوپ، موبارِک اومیدیمیز بُلان بِییک خوداییمیز و نِجات بِریَنچیمیز عیسی مسیحینگ بِییکلیک ایچینده آسمانلاردان اینمِگینه قاراشیاریس.‏

¹⁴ عیسی مسیح بیزی هِمّه گونَه‌لِردِن آزاد اِتمِک اوچین، اُزونی قربانی اِتدی.‏ اُل مونی اُزونه یاخشیلیق اِتمِکده قایراتلی و پَک بیر خالقی قازانماق اوچین اِتدی.‏

¹⁵ هاووا، بولارینگ بارینی اُورِت.‏ هِمّه ایختییارلیق بیلِن گُوونلیک بِر و هِم کَیی.‏ قُی، هیچ کیم سِنی اَسگِرمِزلیک اِتمِسین.‏