تیتوس 1 - مُقادِّس کیتاب1 خودایینگ خیدماتچیسی و عیسی مسیحینگ رِسولی مِن پولسدِن دُغایی سالام! خودای اُز سایلان آداملارینینگ ایمان گِتیرمِگی و اُنونگ یُلونی گُرگِزدیریَن حاقیقاتی بیلمِگی اوچین مِنی رِسولّیغا بِلِّدی. 2 خودایینگ بو یُلی باقی یاشاییش اومیدینی بِریَر. سُزونده آصلا یالان بُلمادیق خودای بو یاشایشی دونیَه یارادیلمازدان اُنگ واعدا بِریپ، 3 اُنی سُزونگ اوستو بیلِن اُز بِلَّن واقتیندا آیان اِتدی. نِجات بِریَنچیمیز خودای بو سُزونی واغیظ اِتمِگی مانگا تابشیردی. 4 اِی تیتوس، ایمانیمیزینگ بیر بُلاندیغی اوچین، مِن سِنی حاقیقی اُغلوم بیلیَرین. قُی، آتامیز خودایینگ و نِجات بِریَنچیمیز عیسی مسیحینگ مِرحِمِتی و پاراحاتلیغی سانگا بُلسون! تیتوسینگ کریتدَکی وِظیفه‌سی 5 سانگا تابشیریشیم یالی، قالان ایشلِری بیتیر، هِر شَهردَکی کِلیسالارا یاشولیلاری بِلّه. اینه، اِدیل شو ماقصات بیلِن مِن سِنی کریتدَه قُیوپ قایداندیرین. 6 کِلیسانینگ یاشولیسی اِدیپ بِلِّنیلجِک حُکمَن عایپسیز و آیالینا بیوِفالیق اِتمِیَن آدام بُلمالیدیر. اُنونگ فِرزِنتلِری هِم ایمان گِتیرِن، آخلاقسیزلیق و موطیع‌سیزلیقدا عاییپلانمایان بُلمالیدیر. 7 چونکی کِلیسانینگ باشلیقچیسی خودایا خیدمات اِدیَر. شُنگا گُرَه-ده، اُل عایپسیز بُلمالیدیر. اُل اُزدییِنلی، قاهارجانگ، عاراقخُر، اوروشیان بُلمالی دَل، حارام قازانچینگ ایزینا دوشمِیَن، 8 شِیله بُلسا میهمانسُیِر، یاخشیلیغی قاووریان، فَهیملی، عادالاتلی، تاقوالی و نِفسینه قاییم دوریان بُلمالیدیر. 9 اُل اُزونه اُورِدیلِن دُغری تَعلیماتا صادیقلیق بیلِن ایزینا دوشمِلیدیر. باشغالارا هِم بو تَعلیماتا لاییقلیقدا ناصیحات بِریپ، اُنگا قارشی چیقیانلارینگ دُغری دَلدیکلِرینی بِلّی اِتمِلی. 10 سِبَبی فیتنه‌چیلِر، بُش سُزلیلِر و آلدییانچیلار دییسِنگ کَندیر. شِیله آداملار، اِساسان-دا، نِجات تاپماق اوچین سونِّت اِدیلمِلیدیگینی ماصلاحات بِریَنلِرینگ آراسیندا باردیر. 11 اُلارینگ آغزینی باغلاماق گِرِک. چونکی اُلار کِلیسالاردا اُورِتمِسیز زاتلاری اُورِدیپ، ماشغالالاری دویبوندِن دارغادیارلار. اینگ یامان-دا، اُلار بولاری حاقسیز قازانماق اوچین اُورِدیَرلِر. 12 اُلارینگ بیر نِبیلِری شِیله دییّپدیر: «کریت خالقی اِلمیداما یالان سُزلِیَر، اُلار وَحشی حایوانلار، آصلا قارنی دُیمایار.» 13 بو قاتی جایلی آیدیلان سُزلِردیر. شُنونگ اوچین-ده، قاوی ایمانلی بُلماقلاری اوچین، اُلاری قاتی کَیی. 14 قُی، اُلار یَهودی رِوایاتلارینا و حاقیقاتی رِد اِدیَنلِرینگ تابشیریقلارینا قولاق آسماسینلار. 15 قالبی پَکلِر اوچین هِمّه زات پَکدیر، یُنه آخلاقسیزلار و ایمان گِتیرمِدیکلِر اوچین یِکِجه-ده پَک زات یُقدور. اُلارینگ فیکرلِری-ده و وِجدانلاری-دا تِلِکه بُلاندیر. 16 اُلار خودایی تانییاریس دییسِلِر-ده، اِدیَن ایشلِرینده اُنی رِد اِدیَندیرلِر. اُلار ییگرِنجی، موطیع‌سیز بُلوپ، یاخشیلیق اِتمِگینگ نَمِدیگینی-ده بیلمِیَرلِر. |
© Turkmen Truth