رومیلار 5 - مُقادِّس کیتاباینسان بیلِن خوداینگ آراسینداقی یاراشیق 1 شِیلِلیکده، بیز ایمانیمیز بیلِن آقلانیپ، تانگریمیز عیسی مسیحینگ اوستو بیلِن خودای بیلِن یاراشدیق. 2 عیسی مسیح بیزه خودایینگ مِرحِمِتینینگ قاپیسینی آچیپ بِردی. بیز ایمانینگ اوستو بیلِن بو مِرحِمِته بیریکیشیپ، قاییم دوروس و خودایینگ بِییکلیگینَه شِریک بُلجاقدیغیمیزا اومید باغلاپ بِگِنیَریس. 3 دینگه مونگا دَل، اُندان باشغا قینچیلیقلاریمیزا هِم بِگِنیَریس، سِبَبی قینچیلیقلارینگ جیدام گِتیریَندیگینی 4 و جیدامینگ شَخصیِتی بِجِریَن و شَخصیِت هِم اومیدی دُرِدیَندیگینی بیلیَریس. 5 شِیله اومید بیزی اوتاندیرماز، سِبَبی بِرلِن مُقادِّس روحونگ اوستو بیلِن یورِگیمیز خودایینگ سُیگوسیندِن دُلوپ-آقیار. 6 بیزینگ اُزومیزی آقلاماغا گویجومیز یُقّا، عیسی مسیح بِلِّنِن واقتیندا بیز خودایسیزلار اوچین اُلدی. 7 حتّیٰ تاقوالی آدام اوچین اُلمَگه تاییار آدامی تاپماق قیندیر. یُنه کیم بیلیَر، بِلکی، یاخشی آدام اوچین اُلوپ بیلجِگینگ تاپیلماغی-دا مومکین. 8 اِمّا عیسی مسیح هِنیز گونَه‌کَرکَک، بیزینگ اوچین اُلدی. شِیدیپ، خودای بیزه بُلان سُیگوسینی گُرکِزدی. 9 شُنگا گُرَه-ده، مسیحینگ قانی بیلِن آقلانان بُلساق، اُنونگ اوستو بیلِن خودایینگ غاضابیندان نِجات تاپجاغیمیز هِم گورّونگسیزدیر. 10 چونکی دوشمانقاق اُغلونینگ اُلومینینگ اوستو بیلِن خودای بیلِن یاراشان بُلساق، ایندی یاراشانیمیزدان سُنگ اُنونگ یاشاییشینینگ اوستو بیلِن نِجات تاپیلجاغیمیز هِم گورّونگسیزدیر. 11 موندان باشغا-دا، بیز خودایینگ تانگریمیز عیسی مسیحینگ اوستو بیلِن اِدِن ایشلِرینه بِگِنیَریس، سِبَبی اُل بیزی خودای بیلِن یاراشدیردی. آدام آتانینگ اوستو بیلِن اُلوم، عیسی مسیحینگ اوستو بیلِن یاشاییش 12 بیر اینسان، یَعنی آدام آتانینگ اوستو بیلِن گونَه دونیَه گیردی و گونَه‌نینگ اوستو بیلِن اُلومینگ گِلمِگینه سِبَپ بُلدی. اینسانلارینگ هِمّه‌سی گونَه‌لی بُلانی اوچین، اُلوم هِم اُلارینگ آراسیندا یایراپ باشلادی. 13 گونَه شِریغات بِریلمَکَه-ده دونیَه‌ده باردی، یُنه شِریغاتینگ بُلمادیق یِرینده گونَه حاسابا آلینمایار. 14 مونگا باقمازدان، آدام آتادان باشلاپ موسی چِنلی یاشانلار آدام آتانینگقی یالی گونَه اِتمِسِلِر-ده، اُلوم اُلارینگ اوستوندِن حُکوم سوردی. آدام آتا بِلّی بیر دِرِجه‌ده اُزوندِن سُنگ گِلمِلی آدامینگ، یَعنی عیسی مسیحینگ نِمونه‌سی بُلدی. 15 اِمّا خودایینگ ناغمات بِرِن مِرحِمِتینی آدام آتانینگ گونَه‌سی بیلِن دِنگِشدیریپ-ده بُلماز! چونکی بیر آدامینگ گونَه‌سی کَن آداملاری اُلومه دوچار اِتدی. باشغا بیر آدامینگ، یَعنی عیسی مسیحینگ مِرحِمِتینینگ اوستو بیلِن بُلسا کَن آداملار خودایینگ بو ناغماتینی بُلدان-بُل آلدی. 16 هاووا، خودایینگ ناغمات بِرِن مِرحِمِتی آدام آتانینگ گونَه‌سی یالی دَلدیر. سِبَبی بیر گونَه جِزالاندیریلیپ، مَحکوم اِدیلمَه سِزاوار اِتدی. اِمّا کَن گونَه‌لِردِن سُنگ ناغمات بِرلِن مِرحِمِت آقلانمانی گِتیردی. 17 چونکی بیر آدامینگ گونَه‌سینینگ اوستو بیلِن و شُل آدامینگ اوستو بیلِن اُلوم حُکوم سوروپ باشلادی. اِمّا خودایینگ اِندازاسیز مِرحِمِتی بیلِن آقلانما ناغماتینینگ بُلّوغینی آلانلارینگ باری ایندی بیر آدام، یَعنی عیسی مسیحینگ اوستو بیلِن اِبِدی یاشاییشدا حُکوم سورِرلِر. 18 شِیلِلیکده، بیر آدامینگ گونَه‌سی اوچین هِمّه اینسانلارینگ مَحکوم بُلماغا دوچار بُلشی یالی، بیر آدامینگ تاقوالی ایشینینگ اوستو بیلِن-ده هِمّه اینسانلارا یاشاییش بِریَن آقلانما گِلدی. 19 بیر آدامینگ موطیع‌سیزلیغینینگ اوستو بیلِن کَن آدامینگ گونَه‌کَر بُلشی یالی، بیر آدامینگ موطیع‌لیغینینگ اوستو بیلِن هِم کَن آدام تاقوالی بُلار. 20 گونَه‌نینگ اَشکَر بُلماغی اوچین، شِریغات آرا گیردی. یُنه آداملار گونَه‌نی کَندِن-کَن اِتدیگیتچَه، خودایینگ مِرحِمِتی خاص-دا آرتدی. 21 اُزال گونَه حُکومرانلیق سوروپ، هِمّه‌لِری اُلوم طارافا اَکیتیَردی، ایندی بُلسا خودایینگ مِرحِمِتی حُکومرانلیق سوریَر. شُنگا گُرَه-ده، بیز آقلانیپ، تانگریمیز عیسی مسیحینگ اوستو بیلِن اِبِدی یاشاییشا اِیه بُلدوق. |
© Turkmen Truth