آیانلیق 8 - مُقادِّس کیتابیِدینجی مُهور 1 قوزی یِدینجی مُهوری دُوِنده، آسماندا یاریم ساغادا قُلای سِسّیزلیک بُلدی. 2 مِن خودایینگ اُوونده دوران یِدی پِریشدَه‌نی گُردوم. اُلارا یِدی سورنای بِریلدی. 3 باشغا بیر پِریشده گِلیپ، قربانلیق جایینگ اُوونده دوردی. اُنونگ اِلینده قیزیلدان قاپ باردی. بو پِریشدَه کَن اِندازادا بُخور بِریلدی. اُل بو بُخوری خودایینگ خالقینینگ دُغالارینا قُشوپ، تاختینگ اُووندَکی قیزیلدان بِجِرلِن قربانلیق جاییندا هُدورلِمِلیدی. 4 خودایینگ خالقینینگ دُغالاری بیلِن بیرلیکده بُخورینگ توسِّسی پِریشدَه‌نینگ اِلیندِن خودایینگ حوضورینا طاراف یُقاری گُتِریلدی. 5 پِریشده قابی آلیپ، اُنی قربانلیق جایینداقی اُددان دُلدوردی-دا، اُنی آسماندان یِره زینگدی. شُندا آسمان گوپوردَپ، یُغین چیقیان سِس اِشیدیلدی و ییلدیریم چاقیپ، یِر تیترِدی. یِدی سورنای 6 اُنسُنگ یِدی پِریشدَه‌نینگ هِر بیری اِلیندَکی سورنایی چالماغا تاییارلاندیلار. 7 بیرینجی پِریشده سورنایینی چالدی. قان قاتیشیقلی جُوِنِک و اُد دُرَپ، یِر یوزونه دُکولدی. یِرینگ اوچدِن بیری و باغلارینگ اوچدِن بیری و گُک اُتلارینگ باری یانیپ گیتدی. 8 ایکینجی پِریشده سورنایینی چالدی. شُندا آلاولاپ یانیان اولی داغ یالی بیر زات دِریا زینگیلدی و دِریانینگ سووونینگ اوچدِن بیری قانا اُورولیدی. 9 اُندا یاشایان جانلیلارینگ اوچدِن بیری قیریلدی و کِشتیلِرینگ اوچدِن بیری وِیران بُلدی. 10 اوچونجی پِریشده سورنایینی چالدی. آسماندان آلاولاپ یانیان اُد یالی اولی بیر ییلدیز آرنالارینگ اوچدِن بیرینینگ اوستونه و سو چِشمه‌لِرینه قاچدی. 11 اُل ییلدیزینگ آدی «آجیدیر». سولارینگ اوچدِن بیری آجیدی. آجی سودان ایچِن آداملارینگ اِنچِمه‌سی اُلدی. 12 دُردونجی پِریشده سورنایینی چالدی. گونونگ اوچدِن بیر بُلِگینه، آیینگ اوچدِن بیر بُلِگینه، ییلدیزلارینگ اوچدِن بیر بُلِگینه ضَربه اورلوپ، اُلارینگ اوچدِن بیر بُلِگی قارانگقی بُلدی. نِتیجه‌ده، گوندیزینگ و گیجَه‌نینگ اوچدِن بیر بُلِگی یاغتیسیز بُلدی. 13 سُنگرا مِن آسماندا اوچوپ یُرِن عُقابی گُردوم. اُنونگ قاتی سِس بیلِن شِیله دییَّنینی اِشیتدیم: «سورنای چالجاق بِیلِکی اوچ پِریشدَه‌نینگ سورنایینینگ سِسیندِن یانگا یِر یوزونده یاشایانلارینگ گونونه وای وای وای!» |
© Turkmen Truth