آیانلیق 7 - مُقادِّس کیتابمُهورلِنِن ۱۴۴۰۰۰ آدام 1 شوندان سُنگ یِرینگ دُرت بورجوندا دوران دُرت پِریشدَه‌نی گُردوم. اُلار یِر یوزونه، دِریا یا-دا باغلارا اُسمِسین دییّپ، یِرینگ دُرت طارافینداقی یِل‍لِری ساقلاپ دوردیلار. 2 اُلارا یِره و دِریا زییان یِتیرمِکلیک ایختییاری بِرلیپدی. سُنگرا گوندُغاردان یُقاری چیقیپ باریان پِریشدَه‌نی گُردوم و اُندا دیری خودایینگ مُهوری باردی. اُل شُل دُرت پِریشدَه قاتی قیغیریپ، شِیله دییدی: 3 «بیز خوداییمیزینگ خیدماتکَرلِرینینگ مانگلایینا مُهور باسیانچاق، یِره، دِریا و باغلارا زییان یِتیرمَنگ!» 4 مِن مُهورلِنِنلِرینگ سانینی اِشیتدیم. اسرائیل خالقینینگ هِمّه طایفالاریندان بیر یوز قیرق دُرت مونگ آدام مُهورلِنِندی: 5 یهودا طایفاسیندان اُن ایکی مونگ آدام، روبین طایفاسیندان اُن ایکی مونگ آدام، جاد طایفاسیندان اُن ایکی مونگ آدام، 6 اَشیر طایفاسیندان اُن ایکی مونگ آدام، نَفتالی طایفاسیندان اُن ایکی مونگ آدام، مَنَسی طایفاسیندان اُن ایکی مونگ آدام، 7 شمعون طایفاسیندان اُن ایکی مونگ آدام، لاوی طایفاسیندان اُن ایکی مونگ آدام، یِساکار طایفاسیندان اُن ایکی مونگ آدام، 8 زِبولون طایفاسیندان اُن ایکی مونگ آدام، یوسف طایفاسیندان اُن ایکی مونگ آدام، و بِنیامین طایفاسیندان اُن ایکی مونگ آدام مُهورلِنِندی. آق لِباسا گِیینِن اولی جِماغات 9 موندان سُنگ هِر میلِّتدِن، هِر خالقدان، هِر طایفادان و هِر دیلدِن بُلان، هیچ کیمینگ ساناپ بیلمِجِک خاص اولی جِماغاتینینگ تاختینگ و قوزینینگ اُوونده دورانینی گُردوم. اُلار آق لِباسدادیلار و اِل‍لِرینده خُرما باغینینگ شاخالاری باردی. 10 اُلار قاتی سِس بیلِن قیغیریپ: «نِجات تاختدا اُتوران خوداییمیزدان و قوزیداندیر» دییَّردیلِر. 11 هِمّه پِریشده‌لِر تاختینگ، یاشولیلارینگ و دُرت جانلی جاندارلارینگ تُوِرِگینده دوردولار. اُلار تاختینگ اُوونده یوزین ییقیلیپ، خودایا سِجده اِتدیلِر. 12 اُلار شِیله دییَّردیلِر: «اَمین! خوداییمیزا اُوگی و بِییکلیک بُلسون! خوداییمیزا حِکمِت، شوکورلِر، حُرمات، قودرات و قووات اِبِدیلیک بُلسون! اَمین!» 13 اُنسُنگ یاشولیلاردان بیری مِندِن: «بو آق لِباسا گِیینِنلِر کیم و نیرِدِن گِلیپدیرلِر؟» دییّپ سُرادی. 14 مِن: «اِی آقام، مونی سِن بیلیَنسینگ!» دییّپ جُغاپ بِردیم. یاشولی: «بولار شُل اولی عاذابی باشدان گِچیرِنلِر. اُلار اُز لِباسلارینی قوزینینگ قانی بیلِن یوووپ، اُلاری دیم-آق اِتدیلِر. 15 شُنگا گُرَه، اُلار خودایینگ تاختینینگ اُوونده بُلوپ، گیجه-گوندیز اُنونگ عیباداتخاناسیندا اُنگا خیدمات اِدیَرلِر و تاختدا اُتوران اُلاری اُز پِناه‌سیندا ساقلایار. 16 اُلار ایندی آصلا آجیقمازلار و آصلا سوسامازلار، اُلاری گون اورماز و قیزقین-دا یاقماز. 17 چونکی تاختینگ اُرتاسیندا دوران قوزی اُلاری باقار و اُلاری یاشاییش سووونینگ چِشمه‌لِرینه اَکیدِر. و خودای اُلارینگ گُزیاشلارینینگ هِر دامجاسینی سوپورِر.» |
© Turkmen Truth