آیانلیق 6 - مُقادِّس کیتابقوزی مُهورلِری دُویَر 1 اُنسُنگ مِن قوزینینگ یِدی مُهورینگ بیرینجیسینی دُوِنینی گُردوم. شُندا جانلی جاندارلارینگ بیرینینگ آسمان گوپوردیسی یالی سِس بیلِن «بَری گِل!» دییِنینی اِشیتدیم. 2 گُرسِم، اینه، بیر آق آت دور. اُنونگ اوستوندَکی مینِنینگ اِلینده کَمان یاراغی باردی. بو مینِنینگ باشینا بیر تاج گِیدیریلدی. اُل تَزه یِنگیپ چیقانلارا تاییار و یِنگیپ چیقان کیمین گیتدی. 3 قوزی ایکینجی مُهوری دُوِنده، ایکینجی جانلی جاندارینگ هِم: «بَری گِل!» دییِنینی اِشیتدیم. 4 شُندا ایکینجی بیر قُیی-قیزیل آت چیقدی. آداملار بیری-بیرینی اُلدورِر یالی، شُل آتا مینِنه یِر یوزونی پاراحاتلیقدان ماحروم اِتمَگه ایختییار بِرلِندی. اُنگا اولی بیر قیلیچ هِم بِریلدی. 5 قوزی اوچونجی مُهوری دُوِنده، اوچونجی جانلی جاندارینگ هِم: «بَری گِل!» دییِنینی اِشیتدیم. گُرسِم، اینه، بیر قارا آت دور. اُنونگ اوستوندَکی مینِنینگ اِلینده بیر تِرِزی باردی. 6 اُنسُنگ مِن شُل دُرت جانلی جاندارینگ آراسیندان اِدیل بیر سِسینگ: «اوزین گون ایشلَپ قازانجاق حاقی دینگه بیر کَسه بوغدای بیلِن اوچ کَسه آرپا بُلسون! اِمّا یاغی و شِرابی ضایالاما!» دییِنینی اِشیتدیم. 7 قوزی دُردونجی مُهوری دُوِنده، دُردونجی جانلی جاندارینگ هِم: «بَری گِل!» دییِنینی اِشیتدیم. 8 گُرسِم، اینه، رِنگکی سُلوق بیر آت دور. اُنونگ اوستوندَکی مینِنینگ آدی اُلومدی، اُنونگ ایزیندان اُلولِر دونیَه‌سی گِلیَردی. اُلارا یِرینگ دُرتدِن بیر بُلِگینه ایختییار بِرلیپ، شُل یِردَکی آداملاری قیلیچ، آچلیق، مِریضچیلیک و وَحشی حایوانلار بیلِن اُلدورمَگه اِجازا بِریلیپدی. 9 قوزی بَشینجی مُهوری دُوِنده، قربانلیق جایینینگ آشاغیندا خودایینگ سُزونینگ اوغروندا و اِدِن شاهاتلیقلاری اوچین اُلدوریلِنلِرینگ روحلارینی گُردوم. 10 اُلار قاتی سِس بیلِن قیغیریپ: «اِی مُقادِّس و حاقیقی خودای! سِن یِر یوزونینگ یاشایانلارینی هاچان حُکوم اِدیپ، بیزینگ قانیمیز اوچین اُلاردان اِنتِقام آلجاق؟» دییّپ سُرادیلار. 11 شُندا اُلارا آق لِباس بِرلیپ، یِنه آز سالیم صابیر اِتمِلیدیگینی آیتدیلار. چونکی اُلارینگ خاطارینا اُزلِری یالی اُلدوریلجِک یُلداشلارینینگ و ایماندارلارینگ هِمّه سانی قُشولمالیدی. 12 قوزی آلتینجی مُهوری دُوِنده، یِرینگ قاتی تیترَنینی گُردوم. گون قارا یونگدِن دُقالان پالاس کیمین قارالدی، و آی بُلسا قانا دُندی. 13 آسمانداقی ییلدیزلار یِره سِپِلِنیپ دُکولدیلِر. اُلار بیشمِدیک اینجیرلِرینگ گویچلی یِلینگ زُرونا یِره دُکولیشی یالی قاچدیلار. 14 آسمان هِم طومار کیمین دویرلِنیپ، گُزدِن ییتدی. داغلارینگ و جِزیره‌لِرینگ هِمّه‌سی اُز یِریندِن قُزغاندی. 15 دونیَه‌نینگ پادیشاهلاری، اولولاری، سِردارلاری، بایلاری، قودراتلیلاری، هِمّه قول‍لار و آزاد آداملار داغینگ دِشیکلِرینده و قایالاریندا گوزگِندیلِر. 16 اُلار داغلارا و قایالارا یوزلِنیپ، شِیله دییدیلِر: «بیزینگ اوستومیزه ییقیلینگ! بیزی تاختدا اُتورانینگ یوزوندِن و قوزینینگ غاضابیندان گوزگَنگ! 17 چونکی اُلارینگ اولی غاضابینینگ گونی یِتیپ گِلدی و مونگا جیدانجاق بارمی نَمه؟» |
© Turkmen Truth