آیانلیق 4 - مُقادِّس کیتابآسمانداقی تاخت 1 شُندان سُنگ آسماندا بیر آچیق قاپینی گُردوم. اَوَّلدِن مِنینگ بیلِن کِپلِشِن، سورنایینگ سِسینه مِنگزِیَن سِس مانگا: «یُقاری چیق، مِن سانگا موندان سُنگ بُلمالی زاتلاری گُرکِزِیین» دییدی. 2 بیردِن مِنینگ اوستومه مُقادِّس روح ایندی و مِن آسماندا بیر تاختینگ دورانینی و اُنونگ اوستونده-ده بیرینینگ اُتوراندیغینی گُردوم. 3 تاختدا اُتورانینگ صوراتیندان یَشم و عقیق داشلاری کیمین یالقیم یایرایاردی، تاختینگ تُوِرِگینده زُمُرّد یالی عالِمغُشار باردی. 4 تاختینگ تُوِرِگینده یِنه-ده ییگریمی دُرت تاخت باردی، بو تاختلارینگ اوستونده ییگریمی دُرت یاشولی هِم اُتیردی. اُلارینگ اِگنینده آق لِباسلاری و باشلاریندا قیزیلدان تاجلاری باردی. 5 تاختدان ییلدیریملار چاقیاردی، قاتی سِسلِر و آسمان گوپوردیسی اِشیدیلیَردی. تاختینگ اُوونده یِدی چیراغ یانیپ دوردی، بو خودایینگ یِدی روحودی. 6 تاختینگ قارشیسیندا بُلور کیمین آراسّا، سویشه‌دِن بِجِرلِن بیر دِریا یالی باردی. تاختینگ اُرتاسیندا و تُوِرِگینده دُرت سانی جانلی جاندار باردی. اُلارینگ اُووی-ده و آرقاسی-دا گُزلِردِن دُلودی. 7 بیرینجی جانلی جاندار آرسلانا و ایکینجی تانا مِنگزِیَردی. اوچونجی جانلی جاندارینگ یوزی آدامینگ یوزی یالیدی و دُردونجی اوچوپ باریان عُقابا مِنگزِیَردی. 8 بو دُرت جانلی جاندارلارینگ هِر بیرینینگ آلتی قاناتی باردی. اُلارینگ هِمّه یِری، حتّیٰ قاناتلارینینگ آشاغی-دا گُزلِردِن دُس-دُلودی. اُلار گیجه-گوندیز ایزینی اوزمَن: «قودراتلی-گویچلی تانگری خودای مُقادِّس، مُقادِّس، مُقادِّسدیر، اُل اُزال باردی و حَضیر هِم بار و گِلِجِکده هِم بُلجاقدیر»، دییّپ قایتالایارلار. 9 جانلی جاندارلار هِر گِزِک تاختدا اُتورانی، اِبِدی یاشایان خودایی بِییکلِندیریپ و اُنگا حُرمات بیلدیریپ و شوکور اِدِنلِرینده، 10 ییگریمی دُرت یاشولی تاختدا اُتورانینگ اُوونده یوزین ییقیلیپ، اِبِدی یاشایان خودایا عیبادات اِدیَرلِر و تاجلارینی تاختینگ اُوونده قُیوپ: 11 «یا تانگری خوداییمیز! سِن بِییکلیگَه، حُرماتا و قودراتا میناسیپسینگ. هِمّه زادی سِن یارادانسینگ. هِمّه‌سی اِرادانگا گُرَه دُرِدیلدی و یارادیلدی» دییَّرلِر. |
© Turkmen Truth