آیانلیق 3 - مُقادِّس کیتابساردِسدَکی کِلیسایا 1 «ساردِسدَکی کِلیسانینگ پِریشده‌سینه شونی یاز: «خودایینگ یِدی روحی و یِدی ییلدیزی بُلان آدام شِیله دییَّر: مِن سِنینگ هِمّه اِدِن ایشلِرینگی بیلیَرین. سِن دیری حاساپلانسانگ-دا اِمّا اُلوسینگ. 2 اُیان! اُزونگده قالان و اُلجِک بُلوپ دوران زاتلاری قاییملا. سِبَبی خودایینگ ناظاریندا ایشلِرینگ بیری-ده کَمیل دَل میشدیق. 3 اِشیدِنلِرینگی و اُورِنِنلِرینگی یادا سال، اُلاری بِرجای اِت-ده توبا گِل. اُیانماسانگ، بیر اُغری یالی بارارین. مِنینگ هایسی ساغاتدا اوستونگه بارجاغیمی-دا بیلمَن قالارسینگ. 4 یُنه ساردِسده اُز لِباسینی کیرلِتمِدیک بیرنَچه آدام بار. اُلار مِنینگ بیلِن آق لِباسلارا گِینیپ گِزِرلِر، سِبَبی مونگا میناسیپدیرلار. 5 یِنگیپ چیقان آدام هِم آق لِباسا گِیینِر. مِن اُنونگ آدینی یاشاییش کیتابیندان پُزمارین و آتامینگ و اُنونگ پِریشده‌لِرینینگ حوضوریندا تاصدیقلارین. 6 «قولاغی بار آدام مُقادِّس روحونگ کِلیسالارا نَمه دییَّنینی اِشیتسین!» فیلادِلفیه‌دَکی کِلیسایا 7 «فیلادِلفیه‌دَکی کِلیسانینگ پِریشده‌سینه شونی یاز: «بو خابار مُقادِّس و حاقیقی بُلانداندیر. اُل داوود پیغامبار آچارینینگ اِیه‌سیدیر. اُنونگ آچان قاپیسینی هیچ کیم یاپیپ بیلمِز و اُنونگ یاپان قاپیسینی هِم هیچ کیم آچیپ بیلمِز. اینه، اُل شِیله دییَّر: 8 سِنینگ هِمّه اِدِن ایشلِرینگی بیلیَرین. اینه، اُوونگده بیر قاپینی آچیپ قُیدوم، اُنی هیچ کیم یاپیپ بیلمِز. گویجونگینگ آزدیغینی هِم بیلیَرین، یُنه مونگا باقمازدان، مِنینگ سُزومی بِرجای اِتدینگ و آدیمدان دَنمِدینگ. 9 مِن شِیطانینگ کِنیسه‌سینه گِلیپ، آیاغینگا ییقیلماغا مِجبور اِدِرین، اُلار سِنی سُییَندیگیمی دوشونِرلِر. اُلار اُزلِرینی یَهودی حاساپلاسالار-دا، آصلا یَهودی دَل، اُلار یالان آلدایارلار. 10 سِن تابشیریقلاریمی بِرجای اِدیپ، ایماندا قاییم دوردونگ. شُنگا گُرَه-ده، یِر یوزونینگ یاشایانلارینی ایمتِحان اوچین هِمّه دونیَه‌نینگ اوستوندِن اینجِک ایمتِحان زامانیندا سِنی قُرارین. 11 «مِن باسیم بارارین. تاجینگی هیچ کیم آلماز یالی، ایمانینگی قاییم ساقلا. 12 یِنگیپ چیقان آدامی خوداییمینگ عیباداتخاناسینینگ سوتونی اِدِرین و اُل موندان بِیلِک شُل یِری آصلا تِرک اِتمِز. مِن اُنونگ اوستونه خوداییمینگ آدینی و خوداییمینگ شَهرینینگ آدینی یازارین. بو شَهر آسماندان، خوداییمینگ حوضوریندان اینیَن تَزه اورشلیمدیر. مِن اُنونگ اوستونه اُز آدیمی هِم یازارین. 13 «قولاغی بار آدام مُقادِّس روحونگ کِلیسالارا نَمه دییَّنینی اِشیتسین!» لائودیکیه‌دَکی کِلیسایا 14 «لائودیکیه‌دَکی کِلیسانینگ پِریشده‌سینه شونی یاز: «اِمین و حاقیقی شاهات، خودایینگ یارادانلارینینگ باشی، اَمین دییّپ آدلاندیریلیان شِیله دییَّر: 15 سِنینگ هِمّه اِدیَن ایشلِرینگی بیلیَرین، سِنینگ نه سُووق، نه-ده قیزقیندیغینگی بیلیَرین. واخ، کَشگَه سُووق یا قیزقین بُلسادینگ! 16 سِن نه قیزقین، نه-ده سُووق، یُنه میلاییم بُلانینگ اوچین مِن سِنی قوسارین. 17 سِن: ”مِن بایدیرین، باییپ و هیچ زادا زار دَلدیرین“ دییَّرسینگ. آصلیندا اِمّا بیچَره، بِدباخت، گِدای، کُر و یالانگاچدیغینگی بیلمِیَرسینگ! 18 گِل، مِن سانگا ناصیحات بِرِیین: بایار یالی، مِندِن اُددا آراسّالانان قیزیل ساتین آل. یالانگاچلیغینگ عاییبینی اُرتِر یالی، مِندِن آق لِباس ساتین آل. گُروپ بیلِر یالی، مِندِن گُزونگه قُیار یالی مِلهِم ساتین آل. 19 مِن اُز سُییَنلِریمه کَییپ، اُلاری تِربیِتلِیَرین. شُنونگ اوچین-ده، قایراتلی بُل و توبا اِت! 20 اینه، مِن قاپیدا دورین، قاپینی قاقیارین. سِسیمی اِشیدیپ، قاپینی آچانینگ اُیونه گیرِرین. مِن اُنونگ بیلِن، اُل هِم مِنینگ بیلِن بیر سُفره‌دا اُتورار. 21 مِن یِنگیپ چیقیپ، آتام بیلِن اُنونگ تاختیندا اُتوریشیم یالی، یِنگِن آدامدا مِنینگ بیلِن اُز تاختیمدا اُتورماغا ایختییار بِرِرین. 22 «قولاغی بار آدام مُقادِّس روحونگ کِلیسالارا نَمه دییَّنینی اِشیتسین!» |
© Turkmen Truth