آیانلیق 2 - مُقادِّس کیتاباِفِسُسداقی کِلیسایا 1 «اِفِسُسداقی کِلیسانینگ پِریشده‌سینه شونی یاز: «یِدی ییلدیزی ساغ اِلینده ساقلایان، یِدی قیزیلدان چیراغدانینگ آراسیندا گِزیَن شِیله دییَّر: 2 مِن سِنینگ هِمّه اِدِنلِرینگی، شُل حاساپدا زَحمِت چِکِندیگینگی و قایراتلیدیغینگی بیلیَرین. سِنینگ یامان آداملاری ییگرِنیَندیگینگی هِم بیلیَرین. سِن اُزلِرینی رِسول دییَنلِری ایمتِحان اِدیپ، اُلارینگ یالان رِسولدیقلارینی اَشکَر اِتدینگ. 3 سِن قایراتلیسینگ، مِنینگ اوغرومدا کَن قینچیلیقلارا جیدادینگ و یادامادینگ. 4 اِمّا سانگا قارشی آیتجاق بیر زادیم بار: سِن مِنی اَوَّلکی سُیشونگ یالی سُیمِیَرسینگ. 5 شُنونگ اوچین، هایسی بِییکلیکدِن ییقیلانینگی یادینگا سال! توبا اِت-ده، اَوَّلکی اِدِن ایشلِرینگی عِمِل اِت! اِگِر توبا اِتمِسِنگ، یانینگا باریپ، چیراغدانینگی یِریندِن آیرارین. 6 یُنه سِنده قاوی طاراف بار، سِن نیکولاچیلارینگ اِدیَن ایشلِرینی ییگرِنیَرسینگ، مِن هِم اُلاری ییگرِنیَرین. 7 «قولاغی بار آدام مُقادِّس روحونگ کِلیسالارا نَمه دییَّنینی اِشیتسین! یِنگیپ چیقان آداما خودایینگ جِنِّتدَکی یاشاییش باغینینگ میوه‌سیندِن اییمَگه اِجازا بِرِرین.» اِزمیردَکی کِلیسایا 8 «اِزمیردَکی کِلیسانینگ پِریشده‌سینه شونی یاز: «اُلِن و دیرِلِن، اَوَّلکی و آخیرقی شِیله دییَّر: 9 مِن سِنینگ قینچیلیقلارینگی و قاریپلیغینگی بیلیَرین، آصلیندا اِمّا سِن بایسینگ! مِن اُزلِرینی یَهودی حاساپلایانلارینگ سانگا تُهمِت اوریاندیقلارینی هِم بیلیَرین. یُنه اُلار یَهودیلِر دَل-ده، شِیطانینگ کِنیسه‌سیندِندیر. 10 گُرجِک قینچیلیقلارینگدان قُرقما! اینه، ایمتِحان اوچین، شِیطان سیزینگ کَبیرلِرینگیزی زیندان اِتدیرِر و سیز اُن گونلَپ عاذاپ چِکِرسینگیز. اُلوم خاطاری اوستونگه قُرقی سالسا-دا، وِفادار قال، مِن سانگا یاشاییش تاجینی بِرِرین. 11 «قولاغی بار آدام مُقادِّس روحونگ کِلیسالارا نَمه دییَّنینی اِشیتسین! یِنگیپ چیقان آدام ایکینجی اُلومینگ زییانلارینا دوچار بُلماز.» پِرغاموسداقی کِلیسایا 12 «پِرغاموسداقی کِلیسانینگ پِریشده‌سینه شونی یاز: «ایکی یوزلی کِسگیر قیلیجی بُلان شِیله دییَّر: 13 سِنینگ نیرِده یاشایانینگی بیلیَرین، شِیطانینگ تاختی هِم شُل یِردِدیر. اِمّا مونگا باقمازدان، سِن مانگا وِفادار بُلوپ قالانسینگ. سِن حتّیٰ اُز شَهرینگده، هاووا، شِیطانینگ یاشایان شَهرینده اِمین شاهاتیم آنتیپاسینگ اُلدوریلِن گونلِرینده-ده مانگا بُلان ایمانینگدان دَنِن دَلسینگ. 14 یُنه سانگا قارشی بیرنَچه آیتجاق زادیم بار. سیزینگ آرانگیزدا بَلعامینگ تَعلیماتینگ ایزینا دوشیَنلِر بار. بَلعام اسرائیل خالقینی گونَه‌نینگ تُرونا سالماغینگ یُلونی بالاقا اُورِتدی. شِیدیپ، اسرائیل خالقی بُتا بِرلِن قربانلیغی اییّپ، زینا اِتدی. 15 شِیله-ده، آرانگیزدا نیکولاچیلارینگ تَعلیماتینگ ایزینا دوشیَنلِر هِم بار. 16 توبا اِت! یُغسام باسیم یانینگا باریپ، آغزیمداقی قیلیچ بیلِن اُلارا قارشی اورشارین. 17 «قولاغی بار آدام مُقادِّس روحونگ کِلیسالارا نَمه دییَّنینی اِشیتسین! یِنگیپ چیقان آداما گوزگین ساقلانان مانّادان بِرِرین. موندان باشغا-دا، اُنگا یوزونه تَزه آد یازیلان بیر آق داش بِرِرین. بو آدی، داشی آلجاق آدامدان باشغا هیچ کیم بیلمِز.» تیاتیراداقی کِلیسایا 18 «تیاتیراداقی کِلیسانینگ پِریشده‌سینه شونی یاز: «گُزلِری آلاولایان اُد یالی، آیاقلاری میس یالی ییلدارایان خودایینگ اُغلی شِیله دییَّر: 19 مِن سِنینگ هِمّه اِدیَن ایشلِرینگی، سُیگینگی، ایمانینگی، خیدماتینگی و قایراتینگی بیلیَرین. سِنینگ حَضیرکی اِدیَن ایشلِرینگ اُزالقیلاردان کَندیگینی هِم بیلیَرین. 20 اِمّا سانگا قارشی بیر آیتجاق زادیم بار: سِن اُزونی نِبیه حاساپلایان ایزابِل آدلی آیالینگ اِدِنلِرینه جیداملیلیق اِدیَرسینگ. اُل مِنینگ بِنده‌لِریمی اُز تَعلیماتی بیلِن آزدیریپ، اُلارا زینا اِتدیرجِک بُلیار و بُتلارا هُدورلِنِن قربانلیقلاردان اییدیرجِک بُلیار. 21 مِن اُنگا توبا اِتمَگه واقت بِردیم، اِمّا اُل آخلاقسیزلیغیندان یوز اُورِسی گِلِنُق. 22 شُنونگ اوچین-ده، مِن اُنی مِریضلیک دوشِگینده یاتیرارین. بو آیال بیلِن زینا اِدِنلِره-ده، اُنونگ آخلاقسیزلیغیندان یوز اُوورمِسِلِر، اولی عاذاپ چِکدیرِرین. 23 مِن اُنونگ فِرزِنتلِرینی هِم اُلدورِرین. شُندا هِمّه کِلیسالار مِنینگ یورِکلِری و فیکرلِری بارلایاندیغیمی بیلِرلِر. مِن سیزینگ هِر بیرینگیزه اِدِن ایشلِرینگیزه گُرَه جِزا بِرِرین. 24-25 اِمّا سیزه، یَعنی تیاتیراداقی ایزابِلینگ بو تَعلیماتینگ ایزینا دوشمِدیکلِرینگ و ”شِیطانینگ سیرلاری“ دییّلیَنلِری بیلمِیَنلِرینگ بارینا شونی آیدیارین: اِگِر ایمانینگیزی مِن گِلیَنچَم ساقلاسانگیز، سیزینگ اوستونگیزه باشغا زات یوکلِمِرین. 26-27 آتامینگ مانگا ایختییار بِرشی یالی، مِن هِم یِنگیپ چیقان آداما، مِنینگ اِرادامی آخیرا چِنلی یِرینه یِتیرینه میلِّتلِرینگ اوستوندِن ایختییار بِرِرین. اُل میلِّتلِری دِمیر عصاسی بیلِن دُلاندیرار، و اُلاری کویزه یالی دِربی-داغین اِدِر. 28 مِن اُنگا دانگ ییلدیزینی هِم بِرِرین. 29 «قولاغی بار آدام مُقادِّس روحونگ کِلیسالارا نَمه دییَّنینی اِشیتسین!» |
© Turkmen Truth