آیانلیق 19 - مُقادِّس کیتابخودایا بِییکلیک بُلسون! 1 سُنگرا مِن آسماندا اولی جِماغاتینگ سِسینه مِنگزِش قاتی سِسلِر اِشیتدیم. اُلار: «هَلِلویاه! خودای بیزینگ نِجات بِریَنچیمیزدیر، بِییکلیک و قودرات اُنونگقیدیر. 2 چونکی اُنونگ قاضیلیغی دُغری و عادیلدیر: زیناسی بیلِن دونیَه‌نی آزدیران اولی فاحیشه‌نی اُل مَحکوم اِتدی و خیدماتکَرلِرینی اُلدورِن فاحیشه‌دِن اُلارینگ اِنتِقامینی آلدی.» 3 جِماغات یِنه-ده شِیله دییدی: «هَلِلویاه! هاووا، فاحیشه‌نینگ توسِّسی اِبِدی توتَر!» 4 ییگریمی دُرت یاشولی و دُرت جانلی جاندار یوزین دوشوپ: «اَمین، هَلِلویاه!» دییّپ، تاختدا اُتوران خودایا سِجده اِتدیلِر. 5 اُنسُنگ تاختدان چیقان بیر سِس شِیله دییدی: «اِی خوداییمیزینگ هِمّه خیدماتکَرلِری، اُندان قُرقیانلارینگ اولی-کیچی، هِمّه‌سی، اُنگا شوکور اِدینگ!» 6 سُنگرا مِن اولی جِماغاتینگ سِسینه، خاص اولی سولارینگ سِسلِنیَنسینه و گویچلی آسمان گوپوردیسینه مِنگزِش سِسلِر اِشیتدیم. اُلار شِیله دییَّردیلِر: «هَلِلویاه! چونکی تانگریمیز قودراتلی-گویچلی خودای حُکومرانلیق اِدیَر! 7 گِلینگ، بِگِنِیلینگ هِم شاتلانایلینگ! اُنی بِییکلِندیرِیلینگ! چونکی قوزینینگ طُویی باشلانیار، اُنونگ گِلینی هِم تاییار بُلوپ دور. 8 اُنگا گِیینمَگه نِفیس و ییلدیراپ دوران پَک کِتِندِن لِباس بِریلدی.» بو لِباس خودایینگ خالقینینگ تاقوالی ایشلِریدیر. 9 اُنسُنگ پِریشده مانگا شِیله دییدی: «شولاری یاز: قوزینینگ ضیافات طُویونا چاغیریلانلار خوشواقتدیر!» اُل سُزونی دُوام اِدیپ: «اینه، بولار خودایینگ حاقیقی سُزلِریدیر» دییدی. 10 مِن پِریشدَه سِجده اِتمِک اوچین، اُنونگ آیاقلارینا ییقیلدیم. اِمّا اُل مانگا شِیله دییدی: «یُق، مانگا سِجده اِتمه! مِن هِم سِن و عیسی بارادا شاهاتلیق اِدیَن ایماندارلارینگ یالی خودایینگ بیر خیدماتکَریدیرین. خودایا سِجده اِت! عیسی بارادا شاهاتلیق اِدیَنلِر نبوّتلیق روحونا اِیه بُلیاندیرلار.» آق آتا مینیپ اُتوران 11 سُنگرا مِن آچیلان آسمانی و اُل یِرده دوران بیر آق آتی گُردوم. آتا مینیپ اُتوران اِمین و حاقلی دییّپ آدلاندیریلیاردی. اُل عادیل حُکوم چیقاریاندیر و عادالاتلی جِنگ اِدیَندیر. 12 اُنونگ گُزلِری اُد یالی یانیاردی، باشیندا هِم بیرتُپار تاجی باردی. اُنگا بیر آد یازیلیپدی، یُنه بو آدی اُزوندِن باشغا هیچ کیم بیلیَن دَلدیر. 13 اُنونگ اِگنیندَکی دُنی قانا قاراشیقدی و «خودایینگ سُزی» دییلیپ آدلاندیریلیاردی. 14 نِفیس، دیم-آق و پَک کِتِنه گِیینِن آسمانداقی لِشگِر آق آتلارا مینیپ، اُنونگ ایزیندان گِلیَردی. 15 میلِّتلِری اورماق اوچین، اُنونگ آغزیندان کِسگیر بیر قیلیچ چیقیپ دوردی. اُل اُلاری دِمیر عصاسی بیلِن دُلاندیرار. اُل شِراب سیقیلیان چوقوردا قودراتلی-گویچلی خودایینگ غاضابلی قاهارینینگ شِرابینی سیقیار. 16 اُنونگ دُنوندا و بودوندا «پادیشاهلارینگ پادیشاهسی و تانگریلارینگ تانگریسی» دییِن آد یازیلاندیر. 17 اُنسُنگ مِن گونده دوران بیر پِریشدَه‌نی گُردوم. اُل آسماندا اوچوپ یُرِن قوشلارینگ هِمّه‌سینه قاتی سِسی بیلِن قیغیریپ، شِیله دییدی: «گِلینگ، خودایینگ اولی ضیافاتینا ییغنانینگ! 18 پادیشاهلارینگ، سِردارلارینگ، گویچلی آداملارینگ اِتینی، آتلارینگ و آتا مینِنلِرینگ اِتینی، آزادلارینگ و قول‍لارینگ اِتینی، کیچیلِرینگ و اولولارینگ اِتینی اییمَگه گِلینگ!» 19 اُنسُنگ مِن جاناواری، دونیَه پادیشاهلارینی و اُلارینگ لِشگِرلِرینی گُردوم. اُلار آتا مینیپ اُتوران و اُنونگ لِشگِرلِری بیلِن جِنگ اِتمِک اوچین اویشوپدیرلِر. 20 اِمّا جاناوار و اُنونگ بیلِن بیله یالان نِبی توتولدی. بو یالان نِبی جاناوارینگ آدیندان عالاماتلار گُرکِزدی و جاناوارینگ عالاماتینی اُزونه باسدیریپ، اُنونگ مُجِسِّمه‌سینه سِجده اِدِنلِری آلدادی. جاناوار-دا، یالان نِبی-ده دیریلیگینه یانیپ دوران کوکورت و اُدلی دِریاچا زینگیلدی. 21 قالانلاری بُلسا آتا مینیپ اُتورانینگ آغزیندان چیقان قیلیچ بیلِن اُلدوریلدیلِر و قوشلارینگ هِمّه‌سی بولارینگ اِتیندِن دُیدیلار. |
© Turkmen Truth