آیانلیق 16 - مُقادِّس کیتابخودایینگ غاضابی و یِدی کَسه 1 شُندان سُنگ مِن عیباداتخانادان یِدی پِریشدَه: «گیدینگ-ده، خودایینگ غاضابیندان دُلی یِدی کَسه‌نی یِرینگ یوزونه دُکونگ!» دییِن قاتی سِسی اِشیتدیم. 2 بیرینجی پِریشده گیدیپ، کَسه‌سینی یِره دُکدی. جاناوارینگ عالاماتی بُلان و اُنونگ مُجِسِّمه‌سینه سِجده اِدِن آداملاردا تِلِکه و آغیر یارالار گُروندی. 3 ایکینجی پِریشده کَسه‌سینی دِریا دُکدی. دِریا اُلولِرینگ قانینا مِنگزِش قانا اُورولدی-ده، اُنداقی جاندارلارینگ هِمّه‌سی قیریلدی. 4 اوچونجی پِریشده کَسه‌سینی آرنالارا و چِشمه‌لِره دُکدی، و اُلار-دا قانا اُورولدی. 5 مِن سولارا ایختییاری بار پِریشدَه‌نینگ شِیله دییِنینی اِشیتدیم: «اِی حَضیر بار و گِچمیشده بُلان مُقادِّس خودای! سِن شو حُکومی چیقارماق بیلِن عادالاتلیدیغینگی آیان اِتدینگ. 6 اُلار سِنینگ خالقینگ و پیغامبارلارینگ قانینی دُکدی، سِن هِم اُلارا قان ایچیریپ، جُغابینی بِردینگ!» 7 مِن قربانلیق جاییندان بیر سِسینگ: «هاووا، اِی تانگری، قودراتلی-گویچلی خودای، سِنینگ حُکوملِرینگ حاق و عادیلدیر» دییّپ جُغاپ بِرِنینی اِشیتدیم. 8 دُردونجی پِریشده کَسه‌سینی گونه دُکدی. گونه اینسانلاری اُد بیلِن یاقیپ-یاندیرماقلیق گویجی بِریلدی. 9 گویچلی حُوور اینسانلاری یاقیپ-یاندیردی. یُنه اُلار توبا گِلمِدیلِر، خودایی بِییکلِندیرمِدیلِر. تِرسینه، بو بِلالارا حُکومینی یُرِدیَن خودایا قارغادیلار. 10 بَشینجی پِریشده کَسه‌سینی جاناوارینگ تاختینا دُکدی. جاناوارینگ پادیشاهلیغی قارانگقیلیغا قاپلاندی. اینسانلار چِکیَن دِردلِریندِن یانگا دیل‍لِرینی دیشلِدیلِر. 11 اُلار اِتمیشلِریندِن دَنمِدیلِر و توبا گِلمِدیلِر. تِرسینه، دِردلِری و یارالاری اوچین آسمانینگ خودایینا قارغادیلار. 12 آلتینجی پِریشده کَسه‌سینی اولی فُرات آرناسینا دُکدی. گوندُغاردان گِلیَن پادیشاهلارینگ یُلونینگ آچیلماغی اوچین، آرنانینگ سووی قوریدی. 13 اُنسُنگ اژدهانینگ، جاناوارینگ و یالان نِبینینگ آغیزلاریندان قورباغا مِنگزِش اوچ تِلِکه روحونگ چیقانینی گُردوم. 14 بولار عالاماتلار گُرکِزیپ بیلیَن جینلارینگ روحلاریدیر. بولار قودراتلی-گویچلی خودایینگ بِییک گونونده بُلجاق جِنگ اوچین هِمّه دونیَه‌نینگ پادیشاهلارینی اویشورمَگه باریارلار. 15 «خاباردار بُل! سِبَبی مِن اُغری کیمین گِلیَرین! یالانگاچ گِزیپ، دونیَه رُسوا بُلمازلیغی اوچین، اُیا بُلوپ، لِباسلارینی ساقلایان خوشواقتدیر!» 16 اُنسُنگ شُل اوچ تِلِکه روحلار پادیشاهلاری عِبرانیچا «حارمَگِدّون» دییّلیَن یِره اویشوردیلِر. 17 یِدینجی پِریشده کَسه‌سینی هُوا سِرپیپ گُیبِردی. عیباداتخاناداقی تاختدان: «یِرینه یِتدی!» دییِن قاتی بیر سِس اِشیدیلدی. 18 شُندان سُنگ ییلدیریملار چاقدی، گوپوردَپ، آسمان سِسلِندی، گویچلی یِر تیترِمه بُلدی. اینسانلار یِر یوزونده یاشاپ باشلانی بَری شِیله گویچلی یِر تیترِمه بُلماندی. 19 اولی شَهر اوچ بُلِک بُلدی و میلِّتلِرینگ شَهرلِری وِیران بُلدی. خودای اولی بابِل شَهرینی یادا سالیپ، قاهار-غاضابیندان دُلی شِرابلی کَسه‌سیندِن بو شَهره ایچیردی. 20 جِزیره‌لِرینگ هِمّه‌سی یُق بُلوپ و داغلار گُزدِن ییتیپ گیتدی. 21 آداملارینگ اوستونه آسماندان هِر بیرینینگ آغرامی اِلّی کیلو قُلای گویچلی جُوِنِک یاغدی. آداملار جُوِنِک بِلاسی اوچین خودایا قارغادیلار، سِبَبی بو بِلا دییسِنگ آغیردی. |
© Turkmen Truth