آیانلیق 14 - مُقادِّس کیتابقوزی و ۱۴۴۰۰۰ آدام 1 سُنگرا مِن صَهیون داغیندا قوزینینگ دورانینی گُردوم. اُنونگ یانیندا بیر یوز قیرق دُرت مونگ آدام دوردی. اُلارینگ مانگلاییندا قوزینینگ و اُنونگ آتاسینینگ آدی یازیلیپدی. 2 مِن آسماندان آقیان اولی سولارینگ یالی و گویچلی آسمان گوپوردِشینینگ یالی بیر سِس اِشیتدیم. بو سِس قاقیپ چالینیان سازلارینگ سِسینه مِنگزِیَردی. 3 یانگقی بیر یوز قیرق دُرت مونگ آدام تاختینگ اُوونده و دُرت جانلی جاندارینگ و یاشولیلارینگ اُوونده تَزه آیدیم آیدیاردیلار. هِمّه آدامزادینگ آراسیندان ساتین آلنان بو بیر یوز قیرق دُرت مونگ آدامدان باشغا هیچ کیم بو آیدیمی اُورِنیپ بیلمِیَردی. 4 بولار عُمورلِرینده آیالا یاناشمان، اُز پَکلیگینی ساقلایاردی. بولار قوزی نیرَه گیتسه، اُنونگ ایزینا دوشیَنلِردی. بولار اینسانلارینگ آراسیندان ساتین آلینیپ و اَوَّلکی حاصیل حُکمونده خودایا و قوزا باغیش اِدیلِنلِردی. 5 بولارینگ آغیزلاریندان یالان سُز چیقان دَلدیر، اُلار عایپسیزدیرلار. اوچ پِریشده 6 سُنگرا مِن آسماندا اوچوپ یُرِن بیر پِریشدَه‌نی گُردوم. اُل یِر یوزونده یاشایانلارا: هِر میلِّته و طایفا، هِر دیله و هِر خالقا اِعلان اِتجِک بُلوپ، اِبِدی خوش خاباری گِتیریَردی. 7 اُل قاتی سِس بیلِن شِیله دییَّردی: «خودایدان قُرقونگ! اُنی بِیگِلدینگ! چونکی اُنونگ قاضیلیق اِتجِک ساغادی گِلدی! یِری، آسمانی، دِریا و چِشمه‌لِرینی یارادانا سِجده اِدینگ!» 8 اُنونگ ایزیندان اوچوپ گِلیَن ایکینجی پِریشده شِیله دییَّردی: «ییقیلدی! بِییک بابِل ییقیلدی! اُز زینا هُوِسلِرینینگ شِرابینی هِمّه میلِّتلِره ایچیردی.» 9 اُلارینگ ایزیندان اوچوپ گِلیَن اوچونجی بیر پِریشده قاتی سِس بیلِن شِیله دییَّردی: «هِر کیم جاناوارا و اُنونگ مُجِسِّمه‌سینه سِجده اِتسه، مانگلایینا یا-دا اِلینه اُنونگ عالاماتینی باسدیرسا، 10 خودایینگ غاضاب کَسه‌سیندِن ایچِر. بو کَسه خودایینگ غاضابینینگ شِرابیندان، هیچ زات قاریلمادیق آراسّا شِرابدان دُلودیر. شِیله آدام مُقادِّس پِریشده‌لِرینگ و قوزینینگ اُوونده اُد و کوکورت بیلِن عاذاپلانار. 11 عاذاپلاماغینینگ توسِّسی بُلسا اِبِدی یُقاری گیدِر. جاناوارا و اُنونگ مُجِسِّمه‌سینه سِجده اِدِنلِر یا-دا اُنونگ آدینینگ عالاماتینی باسدیران آداملار نه گیجه، نه-ده گوندیز دینچ آلارلار.» 12 شُنگا گُرَه-ده، خودایینگ حُکوملِرینی بِرجای اِدیپ، عیسی مسیحه وِفادار بُلوپ قالیانلار صابیرلی بُلمالیدیر. 13 اُنسُنگ آسماندان بیر سِس اِشیتدیم. اُل شِیله دییدی: «مونی یاز: ”موندان بِیلَک خوداییمیزا ایمان گِتیریپ اُلِنلِر خوشواقتدیر!“» روح هِم شِیله دییدی: «هاووا، اُلار چِکِن زَحمِتلِریندِن دینچ آلارلار و چِکِن زَحمِتلِرینینگ حاصیلنی گُرِرلِر». یِرینگ حاصیلی اُرولیار 14 اُنسُنگ گُرسِم، اینه، بیر آق بولوت بار. بولودینگ اوستونده اینسان اُغلونا مِنگزِش بیری اُتیردی. اُنونگ باشیندا قیزیلدان تاجی و اِلینده هِم کِسگیر اُراغی باردی. 15 عیباداتخانادان چیقان باشغا بیر پِریشده بولودینگ اوستونده اُتورانا قاتی سِس بیلِن شِیله دییدی: «اُراغینگی آل-دا، اُر! اُراق واقتی یِتیپ گِلدی، سِبَبی یِرینگ حاصیلی یِتیشدی.» 16 بولودینگ اوستونده اُتوران اُراغینی یِر یوزونده چِکدی. شِیدیپ، یِرینگ هِم حاصیلی اُرولدی. 17 آسمانداقی عیباداتخانادان باشغا بیر پِریشده چیقدی و اُنونگ هِم کِسگیر اُراغی اِلینده باردی. 18 سُنگرا قربانلیق جایینداقی اُدا ایختییاری بار باشغا بیر پِریشده قربانلیق جاییدان چیقیپ، کِسگیر اُراغی بارا قاتی سِس بیلِن شِیله دییدی: «سِن-ده کِسگیر اُراغینگی آل و یِردَکی اوزوم باغینداقی سالقیملاری ییق، چونکی اوزوملِر بیشیپدیر.» 19 پِریشده اُراغینی یِرینگ یوزونه چِکدی-ده، اُندا بار اوزوم سالقیملارینی ییغیپ، خودایینگ اوزوم سیقیان اولی قاهار-غاضاب چوقورینا زینگدی. 20 اوزوملِر شَهرینگ داشینداقی چوقوردا سیقیلدی. قان چوقوردان چُغوپ چیقدی-دا، آتلارینگ آغیزینا چِنلی قالیپ، اوچ یوز کیلومِتر آرالیغا یایرادی. |
© Turkmen Truth