آیانلیق 13 - مُقادِّس کیتابدِریادان چیقان جاناوار 1 اژدها دِریانینگ کِناریندا دوردی. شُندان سُنگ مِن دِریادان بیر جاناوارینگ چیقیپ گِلیَنینی گُردوم. اُنونگ اُن شاخی و یِدی کِلّه‌سی باردی. شاخلارینینگ هِر بیرینه بیر تاج گِیدیریلیپدی، کِلّه‌لِرینده خودایا کُفر آیدیان آدلار یازیلیپدی. 2 گُرِن جاناواریم پَلَنگه مِنگزِیَردی. اِمّا آیاقلاری خِرسینگ آیاقلاری یالی و آغزی بُلسا آرسلانینگ آغزی یالیدی. اژدها بو جاناوارا اُز گویجونی، تاختینی و اولی ایختییارینی بِردی. 3 جاناوارینگ کِلّه‌لِرینینگ بیرینه اُلدوریَن یاراسی سالنان میشدیق. یُنه بو یارا بیتدی. هِمّه دونیَه حایران قالیپ، جاناوارینگ ایزینا دوشدی. 4 آداملار اژدها عیبادات اِتدیلِر، سِبَبی اُل اُز ایختییارینی جاناوارا بِریپدی. اُلار: «جاناوارا تای گِلجِک بارمی؟ اُنگ بیلِن جِنگ اِدیپ بیلجِک بارمی؟» دییّپ، اُنگا هِم سِجده اِتدیلِر. 5 جاناوارا تِکِبّیر و خودایا دیل یِتیریَن سُزلِری آیدیان بیر آغیز بِریلدی. شِیله هِم اُنگا اُز ایختییارینی قیرق ایکی آیلاپ خاییرلانماغا اِجازا بِریلدی. 6 اُل خودایا کُفر آیدماق، اُنونگ آدینا و مِسکِنینه، یَعنی آسماندا مِسکِن توتانلارا تُهمِت اورماق اوچین آغزینی آچدی. 7 جاناوارا خودایینگ خالقی بیلِن جِنگ اِدیپ، اُلاری یِنگمِکلیک ایختییاری بِریلدی. شِیله-ده اُنگا هِر طایفانینگ، هِر خالقینگ، هِر دیلدِن و هِر میلِّتینگ اوستوندِن حُکوم سورمِکلیک ایختییاری بِریلدی. 8 یِر یوزونده یاشایان هِر بیر اینسان بو جاناوارا سِجده اِدِر. بو جاناوارا دینگه دونیَه یارادیلمازدان اُنگ آدلاری یاشاییش دِفتِرینه یازیلان آداملار سِجده اِتمِز. یاشاییش دِفتِری داماغی چالنان قوزینینگقیدیر. 9 قولاغی بار آدام اِشیتسین. 10 اِگِر بیری اِسیر اِدیلمِلی بُلسا، اِسیر اِدیلِر. اِگِر بیری قیلیچدان اُلمِلی بُلسا، قیلیچدان اُلِر. خودایینگ خالقینینگ صابیرلیغی و وِفادارلیغی، اینه، شو یِرده گِرِکدیر. یِردِن چیقان جاناوار 11 شُندان سُنگ مِن یِردِن چیقیپ گِلیَن باشغا بیر جاناواری گُردوم. اُنونگ قوزا مِنگزِش ایکی شاخی بُلسا-دا، اژدها یالی کِپلِیَردی. 12 اُل بیرینجی جاناوارا خیدمات اِدیپ، اُنونگ هِمّه ایختییارینی عِمِل اِدیَردی، تامام یِر یوزونده یاشایانلارینی اُلدوریَن یاراسی بیتِن جاناوارا سِجده اِتمَگه مِجبور اِدیَردی. 13 بو ایکینجی جاناوار اولی عالاماتلاری گُرکِزیَردی، حتّیٰ اینسانلارینگ گُزلِرینینگ اُوونده آسماندان یِره اُد هِم یاغدیریاردی. 14 بو جاناوار بیرینجی جاناوارینگ آدیندان عالاماتلار گُرکِزیپ، یِر یوزونده یاشایانلاری آلداوا سالیاردی. اُل قیلیچ بیلِن اُلدوریَن یارا سالناندیغینا باقمازدان، دیرِلِن جاناوارینگ مُجِسِّمه‌سینی بِجِرمِگی یاشایانلارا تابشیردی. 15 اُنگا جاناوارینگ مُجِسِّمه‌سینه جان بِرمه گویجی بِریلدی. جاناوارینگ مُجِسِّمه‌سی کِپلَپ باشلادی-دا، اُزونه سِجده اِتمِیَنلِری اُلدورتدی. 16 ایکینجی جاناوار هِمّه اینسانلاری، یَعنی کیچیلِری و اولولاری، بایلاری و قاریپلاری، آزادلاری و قول‍لاری ساغ اِلینه یا-دا مانگلایینا عالامات باسدیرماغا مِجبور اِتدی. 17 اُل جاناوارینگ عالاماتی بُلمادیقلارا آلیشماغا و ساتیشماغا اِجازا بِرمِیَردی. بو عالامات جاناوارینگ آدینی یا-دا آدینینگ سانینی بیلدیریَندیر. 18 بو یِرده حِکمِت گِرِکدیر. فَهیملی آدام، قُی، بو جاناوارینگ سانینی حاساپلاپ چیقارسین، چونکی بو سان بِلّی بیر آدامی بیلدیریَندیر. و اُنونگ سانی-دا آلتی یوز آلتمیش آلتیدیر. |
© Turkmen Truth