آیانلیق 12 - مُقادِّس کیتاب

آیال و اژدها

¹ آسماندا اولی بیر عالامات، یَعنی گونی گِینِن بیر آیال گُروندی.‏ اُنونگ آیاقلارینینگ آشاغیندا آی و باشیندا اُن ایکی ییلدیزلی تاجی باردی.‏

² آیال گُورِلیدی و دُغورجاق بُلوپ، دُغورما دِردی توتوپ قیغیریاردی.‏

³ سُنگرا آسماندا باشغا بیر عالامات گُروندی.‏ بو یِدی کِلّه‌لی و اُن شاخلی و کِلّه‌لِرینده یِدی تاجی بُلان اولی قُیی-قیزیل اژدهادی.‏

⁴ اُل آسمانداقی ییلدیزلارینگ اوچدِن بیرینی قوروغی بیلِن سوپوریپ، یِر یوزونه زینگدی.‏ اژدها دُغجاق چاغانی بیردِن یوووتماق اوچین، دُغورما دِردی توتیان آیالینگ اُوونده دوردی.‏

⁵ آیال هِمّه میلِّتلِری دِمیر ‌عصاسی بیلِن حُکومردارلیق اِتجِک بیر اُغول دُغوردی.‏ اُنونگ چاغاسی آلنیپ، خودایینگ حوضورینا و اُنونگ تاختینا اِلتیلدی.‏

⁶ آیال بُلسا بیابانا قاچیپ گیتدی، شُل یِرده مونگ ایکی یوز آلتمیش گونلَپ اییمیتلِنِر یالی، اُنونگ اوچین خودای طارافین تاییارلانان بیر یِر باردی.‏

⁷ اُنسُنگ آسماندا جِنگ باشلاندی.‏ میکاییل و اُنونگ پِریشده‌لِری اژدها بیلِن اوروشدیلار.‏ اژدها-دا اُز پِریشده‌لِری بیلِن اُلارا قارشی اوروشدی.‏

⁸ اِمّا اژدهانینگ یِنگمَگه گویجی یِتمَن، آسمانداقی یِرلِرینی اِلدِن بِردیلِر.‏

⁹ اولی اژدها اُز پِریشده‌لِری بیلِن یِره زینگیلدی.‏ هاووا، هِمّه دونیَه‌نی آزدیریپ، اِبلیس یا-دا شِیطان دییّپ آدلاندیریلیان بو قادیمی ییلان یِره زینگیلدی.‏

¹⁰ موندان سُنگ آسماندان بیر قاتی سِس اِشیتدیم.‏ اُل شِیله دییدی:‏ ‏«‏اینه، خوداییمیزینگ نِجات بِرجِک واقتی گِلدی!‏ اُنونگ قودراتی و پادیشاهلیغی یِرینه یِتدی.‏ اُنونگ مسیحینینگ حُکومدارلیغی بِرقارار بُلدی.‏ چونکی خوداییمیزینگ حوضوریندا ایماندارلاری گیجه-گوندیز عاییپلایان و اُلارا تُهمِت اوریان شِیطان آشاق زینگیلدی.‏

¹¹ اُلار قوزینینگ قانینینگ اوستو بیلِن و اُز شاهاتلیقلارینینگ اوستو بیلِن شِیطانی یِنگدیلِر.‏ حتّیٰ اُلوم قُرقوسی اوستلِرینه قُرقی سالسا-دا، جانلارینی قایغیرمادیلار.‏

¹² شُنگا گُرَه، اِی آسمان و اُندا یاشایانلار، شاتلانینگ!‏ اِمّا یِر و دِریا، سیزینگ بُلسا حالینگیزا وای!‏ چونکی شِیطان یانینگیزا ایندی، اُل واقتینینگ آز قالاندیغینی بیلِنسُنگ، غاضاب آتینا میندی.‏»‏

¹³ اژدها اُزونینگ یِره زینگیلاندیغینا دوشونِنده، اُغول دُغران آیالی آزار بِرمَگه باشلادی.‏

¹⁴ آیالا ییلانینگ اُووندِن بیابانا، بیر واقتا، ایکی واقتا و یاریم واقتا چِنلی اییمیتلِنجِک یِرینه اوچوپ قاچار یالی، اولی عُقابینگ ایکی قاناتی بِریلدی.‏

¹⁵ ییلان بُلسا آیالی سیلَه غارق اِتمِک اوچین، آغزینی آچیپ، اُنونگ ایزیندان آرنا یالی سو آقدیردی.‏

¹⁶ اِمّا یِر آغزینی آچیپ، اژدهانینگ آغزیندان آقدیران آرناسینی یوودوپ، آیالا کُمِک اِتدی.‏

¹⁷ اُنسُنگ اژدها آیالا قاتی غاضابلاندی.‏ اُل آیالینگ بِیلِکی فِرزِنتلِری، یَعنی خودایینگ حُکوملِرینی بِرجای اِدیپ، عیسی بارادا شاهاتلیق اِدیَنلِر بیلِن جِنگ اِتمَگَه گیتدی.‏