آیانلیق 11 - مُقادِّس کیتابایکی شاهات 1 مانگا بیر اُلچِگ تایاغی بِرلیپ، شِیله دییّلدی: «گیت-ده، خودایینگ عیباداتخاناسینی و قربانلیق جایینی اُلچه و اُل یِرده عیبادات اِدیَنلِری سانا. 2 اِمّا عیباداتخانانگ داشقی حایاطینی حاسابا آلما، اُنی اُلچِمه، سِبَبی اُل باشغا میلِّتلِره بِرلِندیر. اُلار مُقادِّس شَهری قیرق ایکی آیلاپ دِپِلَر. 3 «مِن ایکی شاهادیمی ایبِرِرین. اُلار هِم پالاس گِینیپ، بیر مونگ ایکی یوز آلتمیش گونلَپ نبوّت اِدِرلِر.» 4 دونیَه‌نینگ خودایینینگ اُوونده دوران ایکی زِیتون باغی و ایکی چیراغدان، اینه، شولاردیر. 5 کیمدیر بیری اُلارا زییان یِتیرجِک بُلسا، اُلارینگ آغزیندان چیقیان اُد دوشمانلارینی یاقدیرار. اُلارا زییان یِتیرمِکچی بُلان شِیله اُلدوریلمِلیدیر. 6 نبوّتلیق اِدِن گونلِری یاغین یاغماز یالی، اُلارینگ آسمانی باغلاماغا ایختییاری باردیر. اُلارینگ سووی قانا اُوورمَگه، یِر یوزونی ایسلَن واقتلاری هِر هیلی بِلالارا دوچار اِتمَگه ایختییارلاری باردیر. 7 اُلار نبوّتلیقلارینی تاماملانلاریندا، دویپسوز قوییسیندان چیقان جاناوار اُلار بیلِن اورشار. جاناوار اُلاری یِنگِر و اُلدورِر. 8 اُلارینگ جِسِدلِری بِییک شَهرینگ مِیداندا سِرلیپ یاتار. اُلارینگ مسیحی هِم بو شَهرده صلیبه چویلِندی. روحانی مَعنی-ده، بو شَهری «سُدوم» و «مصر» دییّلیپ آدلاندیریاردیلار. 9 هِر خالقدان، هِر طایفادان، هِر دیلدِن و هِر میلِّتدِن بُلان آداملار اوچ گون یاریملاپ اُلارینگ جِسِدلِرینه تُماشا اِدِرلِر و جایلاماغا اِجازا بِرمِزلِر. 10 یِر یوزونینگ یاشایانی اُلارینگ بو یاغدایینا بِگِنیشیپ، طُوی توتار، بیری-بیرلِرینه سُوغاتلار یُل‍لار. سِبَبی بو ایکی نِبی یِر یوزونده یاشایانلارا کَن عاذاپ بِریپدی. 11 اِمّا اوچ گون یاریمدان سُنگ خودایینگ دیریلیک دِمی اُلارینگ بِدِنینه گیریپ، اُلار آیاغا قالدیلار. مونی گُرِنلِری اولی قُرقی قاپلاپ آلدی. 12 ایکی نِبی آسماندان: «بَری، یُقاری چیقینگ!» دییَّن قاتی سِسی اِشیتدیلِر. اُنسُنگ اُلار دوشمانلارینینگ گُزونینگ اُوونده بولوتدا آسمانا قالدیلار. 13 شُل واقت بیر گویچلی یِرتیترِمه بُلوپ، شَهرینگ اُندان بیری ییقیلدی. یِرتیترِمِده یِدی مونگ آدام هِلَک بُلدی. آمان قالانلار قُرقوپ، آسمانینگ خودایینی بِییکلِندیردیلِر. 14 ایکینجی «وای» هِم گِچدی. اینه، باسیم، اوچونجی «وای» یِتیپ گِلیَر! یِدینجی سورنای چالینیار 15 یِدینجی پِریشده سورنایینی چالدی. آسماندان: «دونیَه پادیشاهلیغی ایندی خوداییمیزینگقی و اُنونگ مسیحینینگکی بُلدی. خودای اِبِدیلیک پادیشاهلیق اِتجِکدیر»، دییّپ قیغیریان قاتی سِسلِر اِشیدیلدی. 16 خودایینگ اُوونده تاختلاریندا اُتوران ییگریمی دُرت یاشولی اُنونگ اُوونده یوزین ییقیلدی-دا، اُنگا سِجده اِدیپ، 17 شِیله دییدی: «اِی خودای، قودراتلی-گویچلی تانگری، سِن حَضیر بار و اُزال-دا بار بُلان. بیز سانگا شوکور اِدیَریس. چونکی سِن بِییک قودراتینگی اِلینگه آلیپ، پادیشاهلیق اِدیپ باشلادینگ. 18 میلِّتلِر سانگا قاهارلاندیلار. ایندی سِن هِم غاضابا میندینگ. ایندی اُلولِره قاضیلیق اِتمِگینگ واقتی گِلدی. سِنینگ خیدماتکَرلِرینگ بُلان نِبیلِر، اُز خالقینگی و سِندِن قُرقیان اولی-کیچی بارینی سیلاغلاماغینگ واقتی گِلدی. یِری وِیرانچیلیغا اُورِنلِری هِلَک اِتمِگینگ واقتی گِلدی.» 19 اُنسُنگ خودایینگ آسمانداقی عیباداتخاناسی آچیلیپ، اُنونگ ایچیندَکی عَهد صاندیقی گُروندی. شُل واقتدا ییلدیریملار چاقدی، قاتی سِسلِر و آسمان گوپوردیسی اِشیدیلدی، یِر تیترَپ و گویچلی جُوِنِک یاغدی. |
© Turkmen Truth