آیانلیق 10 - مُقادِّس کیتابپِریشده و کیچیجِک طومار 1 اُنسُنگ مِن آسماندان آشاق اینیپ گِلیَن باشغا بیر گویچلی پِریشدَه‌نی گُردوم. اُل بولودا اُرتونیپدی، اُنونگ باشینینگ یُقارسیندا عالِمغُشار یاغتیسی و یوزی گون یالی یالقیم سِچیَردی و آیاقلاری بُلسا اُد سوتونلِری یالیدی. 2 اِلینده آچیق کیچیجِک طومار باردی. اُل ساغ آیاغینی دِریا و سُل آیاغینی بُلسا یِرینگ اوستونده قُیدی-دا، 3 آرسلانینگ قیغیرماسینا مِنگزِش قاتی سِس بیلِن قیغیردی. سُنگرا یِدی آسمان گوپوردیسی کِپلِدی. 4 بو یِدی آسمان گوپوردیسی کِپلَنده، مِن یازماغا تاییارلاندیم. یُنه آسماندان: «یِدی آسمان گوپوردیسینینگ آیدانلارینی یازما! قُی، اُلار گوزگین قالسین!» دییِن بیر سِس اِشیتدیم. 5 دِریانینگ و یِرینگ یوزونده دورانینی گُرِن پِریشدَِم ساغ اِلینی آسمانا قالدیردی. 6 اُل آسمان و آسمانداقیلاری، یِر و یِردَکیلِری، دِریا و دِریاداقیلاری یارادانینگ و اِبِدی یاشایان خودایینگ آدیندان قاسام ایچیپ، شِیله دییدی: «ایندی گیجَه قالما بُلماز! 7 یِدینجی پِریشدَه‌نینگ سورنایینی چالجاق گونی، خودای اُز پیغامبار خیدماتکَرلِرینه اِعلان اِدیشی یالی، اُنونگ سیری یِرینه یِتِر.» 8 سُنگرا آسماندان اِشیدِن سِسیم یِنه-ده مِنینگ بیلِن کِپلِشیپ، مانگا: «بار، دِریانینگ و یِرینگ یوزونده دوران پِریشدَه‌نینگ اِلیندَکی آچیق کیچیجِک طوماری آل!» دییدی. 9 مِن پِریشدَه‌نینگ یانینا باریپ و کیچیجِک طوماری مانگا بِرمِگینی خاییش اِتدیم. اُل هِم مانگا: «آل، ایی! اُل ایچینگی آجیدار، یُنه آغزینگدا بال یالی سویجی بُلار» دییدی. 10 مِن کیچیجِک طوماری پِریشدَه‌نینگ اِلیندِن آلیپ اییدیم. اُل آغزیمدا بال یالی سویجودی، اِمّا اُنی اییِنیمدِن سُنگ، ایچیم آجیدی. 11 اُنسُنگ اُل مانگا: «سِن یِنه-ده کَن خالقلار، میلِّتلِر، دیل‍لِر و پادیشاهلار حاقدا نبوّت اِتمِلیسینگ» دییدی. |
© Turkmen Truth