آیانلیق 1 - مُقادِّس کیتاب1 بو کیتاپ عیسی مسیحینگ بِرِن آیانیلیغیدیر. خودای یاقین واقتدا بُلمالی واقالاری اُز خیدماتکَرلِرینه اَشکَر اِتمِک اوچین، بو آیانیلیغی عیسی مسیحه بِردی و عیسی مسیح هِم اُنی خودایینگ پِریشده‌سینینگ اوستو بیلِن اُز خیدماتکَری یوحنا اَشکَر اِتدی. 2 یوحنا هِم گُرِن زاتلارینینگ بارینا یَعنی خودایینگ سُزینه و عیسی مسیحینگ شاهاتلیغینا شاهات حُکمونده بِیان اِدیَر. 3 بو نبوّتلیق سُزلِرینی اُقیپ بِریَن خوشواقتدیر و بو سُزلِری اِشیدیپ، اُلاری یِرینه یِتیریَن خوشواقتدیر، چونکی بو نبوّتلیغینگ بِرجای بُلمالی واقتی قُلایدیر. یِدی کِلیسایا سالام 4 آسیا وِلایاتینداقی یِدی کِلیسایا مِن یوحنادان سالام! اُزال بُلان، حَضیر هِم بار، گِلِجِکده هِم بُلجاق خودایینگ و اُنونگ تاختینینگ اُووندَکی یِدی روحونینگ مِرحِمِتی و پاراحاتلیغی سیزه یار بُلسون! 5-6 اُلومدِن اَوَّلکی بُلوپ دیرِلِن، دونیَه پادیشاهلارینینگ حُکومداری بُلان اِمین شاهات عیسی مسیحینگ مِرحِمِتی و پاراحاتلیغی سیزه یار بُلسون! بِییکلیک و قودرات اِبِدی مسیحینگکیدیر! چونکی اُل بیزی سُیِندیگی سِبَپلی، قانینی دُکوپ، گونَه‌لِریمیزدِن آزاد اِتدی. اُل بیزدِن پادیشاهلیق یارادیپ، بیزی آتاسی خودایا خیدمات اِتمِک اوچین کاهینلار بِلِّدی. اَمین! 7 اینه، اُل بولوتلارینگ آراسی بیلِن گِلیَر! اُنی هِمّه‌لِر، حتّیٰ اُنگا نایزا چومدیرِنلِر هِم گُرِرلِر. دونیَه‌نینگ هِمّه خالقلاری اُل سِبَپلی آغلارلار. بو دُغرودان-دا شِیله بُلار! اَمین. 8 تانگری خودای شِیله دییَّر: «”اَلِف“ و ”یا“ مِندیرین. مِن اُزال بُلان، حَضیر بار، گِلِجِکده هِم بُلجاق قودراتلی-گویچلی خودایدیرین.» عیسی مسیح یوحنا آیان بُلدی 9 عیسی مسیحینگ شَگیردی حُکمونده عاذاپلارا، خودایینگ پادیشاهلیغینا و جیداملیلیغا شِریکینگیز بُلان مِن یوحنا دُغانینگیز پاتموس دییِن جِزیره‌دِدیم. مِن خودایینگ سُزینی واغیظ اِدیپ و عیسی مسیح حاقدا شاهاتلیق اِدِنیم سِبَپلی بو جِزیره تَبعید اِدیلیپدیم. 10 خودایینگ گونونده اُنگا عیبادات اِدیَرکَم، مِنینگ اوستومه مُقادِّس روح ایندی. اُنسُنگ مِن یِنگسه طارافیمدا سورنایینگقی یالی گویچلی بیر سِس اِشیتدیم. 11 اُل سِس: «گُریَنلِرینگی طوماردا یاز و اُنی یِدی کِلیسایا: اِفِسُسا، اِزمیره، پِرغاموسا، تیاتیرا، ساردِسه، فیلادِلفیه و لائودیکیه ایبِر» دییدی. 12 مِن اُزوم بیلِن کِپلِشیَنی گُرجِک بُلوپ، سِس گِلِن طارافا اُورولدیم. اُورولِنیمده، یِدی قیزیلدان چیراغدانی گُردوم. 13 و اُلارینگ آراسیندا بُلسا اینسان اُغلونا مِنگزِش بیرینی هِم گُردوم. اُنونگ اِگنیندَکی لِباسی تُپوغینا دوشوپ دوردی، قورساغیندا بُلسا قیزیلدان قورساغباغی باردی. 14 اُنونگ ساچلاری یونگ یالی و قار یالی دیم-آقدی، گُزلِری آلاولایان اُد یالیدی، 15 آیاقلاری کوره‌ده قیزاردیلان میس یالی ییلدیرییاردی، سِسی قاتی اولی شارلاووق سولارینگ یالیدی. 16 ساغ اِلینده یِدی ییلدیز باردی، آغزیندان ایکی یوزلی کِسگیر قیلیچ چیقیپ دوردی و اُنونگ یوزی گونُرتانینگ گونی کیمین پارلایاردی. 17 مِن اُنی گُرِن واقتیندا اُلی کیمین آیاقلارینا ییقیلدیم. اِمّا اُل ساغ اِلینی اوستومه قُیوپ، شِیله دییدی: «قُرقما! اَوَّلکی و آخیرقی مِندیرین. 18 مِن دیریدیرین. اُلودیم، یُنه، اینه، ایندی اِبِدیلیک دیریدیرین. اُلومینگ-ده، اُلولِر دونیَه‌سینینگ-ده آچاری مِندِدیر. 19 اُزالقی، و شو واقت گُریَنلِرینگی و موندان بِیلَک گُرجِک زاتلارینگ بارینی یاز. 20 مِنینگ ساغ اِلیمده گُریَن یِدی ییلدیزینگ و یِدی قیزیلدان چیراغدانینگ سیری شِیله: یِدی ییلدیز یِدی کِلیسانینگ پِریشده‌لِرینی و یِدی چیراغدان هِم یِدی کِلیسانی بیلدیریَندیر.» |
© Turkmen Truth