یعقوب 5 - مُقادِّس کیتاب

بایلارا بیلدیرمِک

¹ قولاق آسینگ، اِی بایلار، باشینگیزا اینجِک بِلالار اوچین فِریاد اِدیپ آغلانگ!‏

² بایلیغینگیز چویرَپ، لِباسلارینگیزی گویه اییِندیر.‏

³ قیزیل و کومشونگیز پُسلاندیر، اُلارینگ پُسی سیزینگ قارشینگیزا شاهاتلیق اِدیپ، بِدِنینگیزی اُد کیمین یاقار.‏ سیز آخیرقی گونلِرده بایلیق ییغنادینگیز.‏

⁴ سِراِدینگ، اِکینلِرینگیزی اُران اُراقچیلاری آلداپ، ایش حاقینی بِرمِدینگیز، بو شُل پول‍لارینگ فِریادیدیر.‏ اُراقچیلارینگ دادی-فِریادی حُکومران خودایینگ قولاغینا یِتدی.‏

⁵ سیز بو دونیَه‌ده بُلچولیقدا و کِیپ چِکیپ یاشادینگیز، اُزونگیزی داماغی چالینماق قُیون یالی گونی اوچین سِمریتدینگیز.‏

⁶ اُزونگیزه قارشی چیقماسا-دا، تاقوالی آدامی مَحکوم اِدیپ اُلدوردینگیز.‏

صابیر-طاقاتلی بُلونگ!‏

⁷ اِی عزیزلِر، عیسی مسیح گِلیَنچَه، صابیر-طاقاتلی بُلونگ!‏ گُزلَنگ، تایخان گویز هِم یاز یاغینلارینا نَهیلی صابیرلی قاراشیار.‏ اُل یِرینگ بُل حاصیل بِرِرینه قاراشیار.‏

⁸ سیز هِم صابیر-طاقاتلی بُلونگ!‏ جیداملی بُلونگ، سِبَبی عیسی مسیحینگ گِلجِک گونی قُلایلادی.‏

⁹ اِی عزیزلِر، اُزونگیزه حُکوم اِدیلمِز یالی، بیری-بیرینگیزینگ قارشینا شیکایات اِتمَنگ.‏ اینه، قاضی قاپینینگ آغزیندا دور!‏

¹⁰ اِی عزیزلِر، باشینا دوشِن زَحمِتده صابیر-طاقاتلی بُلوپ، خودایینگ آدیندان کِپلَن پیغامبارلاردان نِمونه آلینگ.‏

¹¹ بیلشینگیز یالی، بیز صابیرلیق گُرکِزِنلِره خوشواقت دییَّریس.‏ سیز اِیوبینگ صابیرلیغی حاقدا اِشیدِنسینگیز، اینگ سُنگوندا اُنونگ اوچین خودایینگ نَمِلِر اِدِندیگینی-ده بیلیَنسینگیز.‏ هاووا، خودای مِرحِمِتلی هِم رِحم-شِپاقاتلیدیر.‏

¹² هِمّه زاتدان یُقار، اِی عزیزلِریم، مَحکوم بُلمانگیز یالی، آسمانا هِم، یِره هِم و باشغا هیچ زادا هِم قاسام ایچمَنگ.‏ جُغابینگیز دینگه ‏«‏هاووانگیز»‏ هاووا، و ‏«‏یُقونگیز»‏ یُق بُلسون.‏

دُغا اِتمِگینگ گویجی

¹³ آرانگیزدا بیری قینچیلیق چِکیَرمی؟ قُی، اُل دُغا اِتسین.‏ بیرینینگ کِیپی کُکمی؟ خودایا شوکور ناغمالارینی آیتسین.‏

¹⁴ آرانگیزدا بیری مِریضمی؟ اُل کِلیسانینگ یُلباشچیلارینی یانینا چاغیرسین، اُلار هِم خودایینگ آدیندان اُنگا یاغ چالیپ، اُنونگ اوچین دُغا اِتسینلِر.‏

¹⁵ ایمان بیلِن اِدیلِن دُغا مِریضه شِفا بِرِر، خودای اُنی آیاغا قالدیرار.‏ اِگِر اُل گونَه قازانان بُلسا، اُنونگ گونَه‌سی باغیشلانار.‏

¹⁶ شِفا تاپار یالی، گونَه‌لِرینگیزی بیری-بیرینگیزینگ یانیندا بُیون آلیپ، بیری-بیرینگیز اوچین دُغا اِدینگ.‏ تاقوالی آدامینگ ایخلاصلی دیلِگی خاص گویچلی هِم تاثیرلیدیر.‏

¹⁷ اِلیاس هِم بیزینگ یالی بیر اینساندی.‏ اُل یاغین یاغماسین دییّپ، ایخلاص بیلِن دُغا اِتدی.‏ شِیلِلیکده، اوچ ییل و آلتی آیلاپ یِر یوزونه یاغین یاغمادی.‏

¹⁸ سُنگرا اُل یِنه دُغا اِتدی و آسماندان یاغین یاغیپ، یِر حاصیل بِردی.‏

^19-20 عزیزلِریم، شونی یاددا ساقلانگ:‏ اِگِر آرانگیزدان بیری حاقیقات یُلوندان آزاشسا و باشغا بیری اُنی یِنه یُلا سالسا، گونَه‌کَری دُغری یُلا سالان آدام بیر جانی اُلومدِن نِجات بِریپ، کَن گونَه‌لِرینینگ اوستونی اُرتیَندیر.‏