یعقوب 3 - مُقادِّس کیتابدیلینگه قاییم بُلماق 1 اِی عزیزلِریم، هِمَّه‌نگیز کِلیسادا مُعلِّم بُلمانگ! سِبَبی بیز مُعلِّملِرینگ خاص-دا قاتی حُکوم اِدیلجِکدیگیمیزی بیلیَنسینگیز. 2 بیزینگ هِمَّه‌میز هِم کَن خاطا اِدیَریس. اِمّا اِگِر بیری سُزونده خاطا اِتمَن، دیلینی ساقلاپ بیلیَن آدام بُلسا، کَمیل بُلوپ، هِمّه بِدِنینه ساقچیلیق اِدیپ بیلیَندیر. 3 بیز آتلارینگ موطیع بُلماغی اوچین، آغزینا آغیزباق داقیپ، اُلارینگ هِمّه بِدِنسینی دُلاندیریاریس. 4 اینه، کِشتیلِری گُزلَنگ! اُلار گویچلی هِم قاتی یِل‍لِر بیلِن گِدیلسه-ده، بیر کیچیجیک فِرمان بیلِن کاپیتانینگ ایسلَن طارافینا اُورولیَر. 5 اِدیل شونونگ یالی، دیل هِم بِدِنینگ بیر کیچیجیک بُلِگی بُلسا-دا، اِمّا اولی زاتلار بیلِن قاباریاندیر. فیکر اِدینگ، کیچیجیک بیر جاراقّا اولی جِنگِلی اُدلاپ باشاریاندیر. 6 دیل هِم بیر اُددور، بِدِن بُلِگلِرینینگ آراسینداقی یامانلیق دونیَه‌سیدیر. اُل هِمّه بارلیغینگیزی وِیران اِدیَندیر، دُوزاخ اُدی بیلِن هِمّه دورموشینگیزی یاقیاندیر. 7 اینسان هِر هیلی حایوانلارا، قوشلارا، خازاندالارا و دِریاداقی جاندارلارا دییِنینی اِتدیرِندیر و اِتدیریَندیر. 8 اِمّا هیچ بیر اینسان دیلینه دییِنی اِتدیریپ بیلیَن دَلدیر. دیل اویتگَپ دوران یامانلیق بُلوپ، اُلدوریجی زَهِردِن دُلودیر. 9 دیلیمیز بیلِن بیز آتامیز خودایی شوکور اِدیَریس، شُل بیر واقتینگ اُزونده هِم خودایینگ صوراتیندا یارادیلان اینسانلاری لَعنِتلِیَریس. 10 شوکور و لَعنِت بیر آغیزدان چیقیار. اِی عزیزلِریم، بو گِلشیکلی دَلدیر. 11 اُندا، بیر آقیان چِشمه‌دِن هِم آجی، هِم سویجی سو آقارمی؟ 12 اِی عزیزلِر، اینجیر باغی زِیتون یا-دا اوزوم باغی اینجیر میوه‌سینی بِرِرمی؟ یُق! اِدیل شُنونگ یالی، شُر سولی چِشمه‌دِن سویجی سو آقماز! حاقیقی حِکمِت 13 آرانگیزدا دوشونجِلی و حِکیم آدام بارمی؟ اِگِر بار بُلسا، قُی، اُل مونی دُغری یاشاییشی و حِکمِتدِن گِلیَن یومشاقلیغی بیلِن بیتیرِن یاخشی عِمِل‍لِرینده گُرکِزسین. 14 اِمّا یورِگینگیزده آجی باخیل‍لیق و مِن-مِنلیک بار بُلسا، اُندا اُزینگیزه قابارمانگ و حاقیقاتا قارشی یالان سُز آیتمانگ. 15 بِیله «حِکمِت» آسماندان اینِن دَلدیر، اُل دونیِوی بُلوپ، نِفسانی و شِیطانداندیر. 16 چونکی باخیلّیغینگ، مِن-مِنلیگینگ بار یِرینده فیتنه‌چیلیک و هِر هیلی پیسّی-پیجورلیق هِم باردیر. 17 اِمّا آسماندان اینِن حِکمِت اَوَّل بیلِن پَکلیکدیر، سُنگرا پاراحاتلیق ایسلِیَنجیلیکدیر، میلاییملیق و اُزآرا راضیلاشیقلیقدیر. اُل مِرحِمِتدِن و خاییرلی عِمِل‍لِردِن دُلودیر. شِیله حِکمِت طارافدارلیق و ایکی‌یوزلیلیک اِتمِیَر. 18 پاراحاتلیق دُرِدیَنلِر پاراحاتچیلیق تُخومینی سِپیپ، تاقوالیق حاصیلینی اُریارلار. |
© Turkmen Truth