عِبرانیلار 7 - مُقادِّس کیتابمِلکیصِدِق کاهین 1 مِلکیصِدِق سالیم پادیشاهسیدی و بِییک خودایینگ کاهینسیدی. ابراهیم نَچه پادیشاهی دارقادیپ، ایزینا دُلانیپ گِلیَرکَه، مِلکیصِدِق اُنی قارشی آلیپ، اُنگا بِرِکِت بِردی. 2 ابراهیم هِم مِلکیصِدِقه جِنگده اِلینه دوشِن هِمّه زاتدان اُندان بیر بِردی. مِلکیصِدِقینگ آدی «عادالات پادیشاهسی» دییمِگی بیلدیردیَر. موندان باشغا-دا، اُل «پاراحاتلیق پادیشاهسیدیر»، سِبَبی «سالیم» بو «پاراحاتلیق» دییمِگی بیلدیردیَر. 3 اُنونگ نه-اِنه‌سی، نه-آتاسی، نه-شِجِره نامه‌سی و عُمرونینگ نه-باشی، نه-ده آخیری بار. اُل خودایینگ اُغلی یالی هِمیشه‌لیک کاهین بُلوپ قالار. 4 سِراِدینگ، مِلکیصِدِق نَهیلی بِییکدیر، حتّیٰ جِدّیمیز ابراهیم هِم جِنگده اِلینه دوشِنلِریندِن اُندان بیر اُنگا بِردی! 5 هِمّه خالق، حتّیٰ ابراهیمینگ نِسلیندِن بُلانلار-دا شِریغاتا گُرَه اُز قازانچلارینینگ اُندان بیر دینگه لاوی نِسلیندِن بُلان کاهین دُغانلارا بِرمِلیدیلِر. 6 اِمّا مِلکیصِدِق لاوی نِسلیندِن بُلماسا-دا، خودایینگ واعدالارینی آلان ابراهیمدان اُندان بیر آلیپ، اُنگا بِرِکِت بِردی. 7 کیچینینگ اُزوندِن بِییک آدامدان بِرِکِت آلیاندیغی شِک یُقدیر. 8 خالقدان اُندان بیر ییغنان کاهینلار اُلدولِر، اِمّا ابراهیمدان اُندان بیر آلان مِلکیصِدِق هِنیز هِم یاشایار. 9 حتّیٰ شِیله دییّپ بیلیَریس، خالقدان اُندان بیر ییغنان لاوینینگ اُزی هِم مِلکیصِدِقه ابراهیمینگ اوستو بیلِن بو اُندان بیری بِردی. 10 سِبَبی مِلکیصِدِق ابراهیمی قارشیلان ماحالی لاوی هِنیز جِدّیندِن دونیَه گِلمَپدی. عیسانینگ کاهینلیغی اِبِدیدیر 11 شِیلِلیکده، اِگِر کَمیلّیگه لاوی کاهینلیغینگ اوستو بیلِن یِتیلیَن بُلسا، اُندا بیر کاهینینگ گِلمِگی نَمه گِرِکدی؟ شِریغاتا گُرَه، لاوی طایفاسی کاهینلیق اِتمِلیدی، اِمّا بو کاهینلیغینگ اوستو بیلِن هیچ کیم کَمیل بُلوپ بیلمِیَردی. شُنونگ اوچین هِم هارون دِرِجه‌سیندَکی یالی دَل-ده، مِلکیصِدِق دِرِجه‌سیندَکی یالی کاهینینگ گِلمِگی گِرِکدی. 12 چونکی کاهینلیق اویتگِسه، شِریغات هِم اویتگِمِلیدیر. 13 بیزینگ گورّونگینی اِدیَن کیشیمیز لاوی طایفاسیندان دَل. اُنونگ طایفاسیندان هیچ کیم قربانلیق جاییندا خیدمات اِتمَندیر. 14 تانگریمیز عیسانینگ یهودا طایفاسینداندیغی هِمّه‌لِره معلیمدیر و موسی بو طایفادان کاهینلارینگ بُلاندیغی بارادا هیچ بیر سُز آیتماندیر. 15 ایندی مِلکیصِدِق یالی باشغا بیر کاهینینگ گِلمِگی بو آیدانلاریمیزینگ هِمّه‌سینی اُنگکودِن هِم خاص اَشکَر گُرکِزیَر. 16 اُنونگ کاهینلیغی بو فانی دونیَه‌نینگ ایسلِگینه، یَعنی نِسلدِن-نِسله گِچیَن شِریغاتا دَل-ده، اُندا مِلکیصِدِق کاهینلیغی یالی اِبِدی یاشاییش قودراتینا دِلیل گِتیرِندیر. 17 چونکی مِزمور کیتابیندا اُل حاقدا شِیله یازغیلی: «سِن مِلکیصِدِق دِرِجه‌سیندَکی یالی اِبِدیلیک کاهینسینگ». 18 هاووا، اُوالقی حُکوملِر قاوشاقدیغی هِم پِیداسیزدیغی سِبَپلی کِنارا قُیولدی. 19 چونکی شِریغات هیچ بیر زادی کَمیلِّشدیرمِدی. ایندی مونونگ دِرِگینه بیزی خودایا یاقینلاشدیریان خاص قاوی بیر اومید بِریلدی. 20 شِیله هِم عیسانینگ باش کاهین بُلجاقدیغینا خودای قاسام ایچدی. 21 اِمّا لاوی نِسلیندِن بُلان کاهینلار بارادا قاسام ایچمِدی. خودایینگ اُنگا: «خودای قاسام ایچدی، اُل اُندان دَنمِز. سِن اِبِدیلیک کاهینسینگ» دییِن قاسامینگ اوستو بیلِن کاهین بُلدی. 22 بو قاسامینگ اوستو بیلِن عیسی خاص قاوی عَهدینگ ضامِنی بُلدی. 23 شِیله هِم اُزالقی کاهینلارینگ سانی کَندی، چونکی اُلوم اُلارینگ خیدماتینینگ اُوونه گِچیَردی. 24 اِمّا عیسانینگ باقی یاشایاندیغی اوچین، اُنونگ کاهینلیغی اِبِدیدیر. 25 شِیلِلیکده، عیسی اُزونینگ اوستو بیلِن خودایا گِلیَنلِری اِبِدیلیک نِجات بِرمِگی باشاریاندیر. چونکی اُلار اوچین هِمیشه خودایا تُوِلّا اِدیَر. 26 بیزه اِدیل شونونگ یالی مُقادِّس، گونَه‌سیز و پَک باش کاهین گِرِکدی. اُل گونَه‌کَرلِردِن آیریلیپ و آسماندان هِم یُقاری گُتِریلِندیر. 27 بِیلِکی باش کاهینلار هِر گون اَوَّل اُز گونَه‌لِری، سُنگرا خالقینگ گونَه‌لِری اوچین قربانلیق هُدورلِمِلیدیلِر. اِمّا عیسی اُلارینگقی یالی اِتمِگینگ گِرِگی یُق، سِبَبی اُل هِمّه زات اوچین اُزونی بیر گِزِکده قربانی اِدیپ، بو ایشی بیتیردی. 28 شِریغاتا گُرَه باش کاهینلیغا یُنِکِی اینسانلار بِلِّنیلیَردی، اِمّا شِریغاتدان سُنگرا خودای قاسام ایچیپ، مونگا اُغلونی بِلِّدی. اُل کَمیل اِدیلِن اِبِدیلیک باش کاهیندیر. |
© Turkmen Truth