عِبرانیلار 13 - مُقادِّس کیتابآخیرقی ناصیحاتلار 1 مسیحه ایمان گِتیرِنلِره میناسیپ بُلشی یالی، بیری-بیرینگیزی سُیونگ. 2 میهمانسُیِر بُلونگ. چونکی میهمانسُیِر آداملارینگ کَبیری پِریشده‌لِرینگ کیمدیگینی بیلمِزدِن اُلاری میهمان آلدیلار. 3 زیندانداقیلاری یاتدان چیقارمانگ، اُزونگیز هِم شُلار بیلِن زینداندا بُلیان کیمین، اُلاری یادلاپ دورونگ. آزار چِکیَنلِری یاتدان چیقارمانگ، اُزونگیزی اُلارینگ یِرینده قُیوپ گُرونگ. 4 قُی، هِمّه‌لِر نیکاح حُرمات قُیسون، اَر-آیال دوشِگی گونَه بیلِن خاپالانماسین. خودای فاسیقلارا و زیناکَرلِره حُکوم اِدِر. 5 پولونگ عشقینا دوشمَنگ. اِلینگیزدَکی بارینا قاناغات اِدینگ. سِبَبی خودای: «مِن سیزی هیچ هاچان یِکه گُیبِرمِرین و هیچ هاچان تِرک اِتمِرین» دییدی. 6 شُنگا گُرَه-ده، بیز اینام بیلِن شِیله دییَّریس: «خودای، کُمِکچیم، مِن قُرقمایارین، اینسان مانگا نَمه اِدیپ بیلِر؟» 7 خودایینگ سُزونی سیزه یِتیرِن یُلباشچیلارینگیزی یادا سالینگ. اُلارینگ نَهیلی قاوی دورموشدا یاشاپ گِچِندیگی بارادا فیکر اِدینگ. اُلارینگ ایمانلاریندان نِمونه آلینگ. 8 عیسی مسیح دوین و بو گون و تا اِبِد هِم شُلدور. 9 هِر هیلی بیگانه تَعلیماتلارا گُوون بِریپ، گِلِن-گِچِنی آلمانگ. قالبینگیزینگ اییّپ-ایچمِک عاداتلاریندان دَل-ده، خودایینگ مِرحِمِتیندِن قاییملاماغی قاویدیر. سِبَبی اییّپ-ایچمِک عاداتلارینگ ایزینا دوشیَنلِر موندان هیچ هیلی خاییر گُرِن دَلدیر. 10 بیزینگ بیر قربانلیق جاییمیز باردیر، یُنه مُقادِّس چادیردا خیدمات اِدیَن کاهینلارینگ اُندان اییمَگه حاقی یُقدور. 11 قربانلیق مال‍لارینینگ قانینی باش کاهین اینگ مُقادِّس جایا گِتیریپ، گونَه اوچین هُدورلِیَر، اِمّا اُلارینگ جِسِدی اُردوگاهدان داشاردا یاقیلیار. 12 شُنگا گُرَه، عیسی هِم شَهر دِروِزه‌سیندِن داشاردا عاذاپ چِکیپ اُلدی. اُل خالقینی اُز قانی بیلِن پَکلِدی. 13 گِلینگ، بیز هِم اُنونگ جیدان رُسوا اِدیلمِلِرینه جیداپ، اُردوگاهدان داشاری، اُنونگ یانینا گیدِیلینگ. 14 چونکی بیزینگ بو یِرده اِبِدی شَهریمیز یُقدور، بیز گِلجِکّی اِبِدی شَهره قاراشیاریس. 15 شُنونگ اوچین هِم عیسانینگ اوستو بیلِن خودایا قربانلیق حُکمونده هِمیشه اُوگی باغیش اِدیپ و اُنونگ آدینی شوکور اِدِیلینگ! 16 یاخشیلیق اِتمِگی و اِلده بارینگیزی بِیلِکیلِره بِرمِگی اونوتمانگ، سِبَبی شونونگ یالی قربانلیقلار خودایی خُشنود اِدیَندیر. 17 یُلباشچیلارینگیزینگ سُزونه قولاق آسینگ، اُلارا موطیع بُلونگ. اُلار سیزینگ جانینگیز اوچین خودایا حاساپ بِرِرلِر. اُلارینگ سُزونه قولاق آسینگ، سِبَبی اُلار سیزه قاراوولچیلیق اِدیَندیرلِر. قُی، اُلار وِظیفه‌لِرینی شاتلیق بیلِن یِرینه یِتیرسینلِر، قایغی-حاسرات چِکمِسینلِر، یُغسام، مونونگ سیزه پِیداسی یِتمِز. 18 بیزینگ اوچین دُغا اِدینگ. بیز وِجدانیمیزینگ آراسّادیغینا اینانیاریس و هِمّه طارافدان هِمیشه حُرماتا میناسیپ بُلوپ یاشاماق ایسلِیَریس. 19 یانینگیزا باسیم دُلانیپ بارماغیم اوچین دُغا اِتمِگینگیزی آیراتین خاییش اِدیَرین. 20-21 ایسلِگینی یِرینه یِتیرمِگیمیز اوچین، قُی، پاراحاتلیق بِریَن خودای بیزی هِمّه گِرِکلی زاتلار بیلِن دُلی تاییار اِتسین. اُل تانگریمیز عیسانی اِبِدیلیک عَهد باغلاشیان قانینینگ اوستو بیلِن اُلومدِن دیرِلتدی و اُنی اُز قُیونلارینینگ یَعنی خالقینینگ بِییک چُپانی اِدیپ بِلِّدی. قُی، خودای اُزونی خُشنود اِدیَن ایشلِری اِتمِگیمیز اوچین، عیسی مسیحینگ اوستو بیلِن بیزی کَمیلِّشدیرسین. عیسی مسیحه اِبِدی بِییکلیک بُلسون! اَمین. 22 اِی عزیزلِر، سیزه یازان بو قیسغا نامه‌مداقی ناصیحاتلاریمی تویس یورِکدِن قابول اِتمِگینگیزی خاییش اِدیَرین. 23 دُغانیمیز تیموتاوس‌ینگ زینداندان بُشاندیغیندان خابارلی بُلماغینگیزی ایسلِیَرین. یانیما گِلِن واقتینا، سیزی گُرمَگه اُزوم بیلِن بیله اُنی هِم آلیپ بارارین. 24 هِمّه یُلباشچیلارینگیزا و ایماندارلارا سالام آیدینگ. ایتالیالی ایماندارلار هِم سیزه سالام یُلّایارلار. 25 هِمَّه‌نگیزه خودایینگ مِرحِمِتی یار بُلسون! |
© Turkmen Truth