غَلاطیه‌لِر 6 - مُقادِّس کیتاب

بیری-بیرینگیزه کُمِک بِرینگ

¹ شونلوقدا، اِی عزیزلِر، اِگِر کیمدیر بیری گونَه‌نینگ تُرونا دوشِن بُلسا، سیز، یَعنی روحانی یاشایانلار، اُنی یومشاقلیق بیلِن دُغری یُلا گِتیرینگ.‏ اِمّا وِسوِسَه دوشمِز یالی، اُزونگیزه-ده خاباردار بُلونگ.‏

² بیری-بیرینگیزه حِمایاتچی بُلونگ.‏ شِیله اِتسِنگیز، مسیحینگ یُلونی بِرجای اِتدیگینگیز بُلار.‏

³ اِمّا بیری هیچ بُلوپ-دا، اُزونه کیمدیرین دییّپ فیکر اِتسَه، اُل اُزونی آلدایاندیر.‏

^4-5 هِر کیم اُز اِدیَن عِمِل‍لِرینی بیلسین.‏ هِر کِس اُزونه دوشِن یوکی اُزی گُتِرسین.‏ شُندا اُل اُزونی باشغالار بیلِن دِنگِشدیرمِزدِن، اُزونه قووانیپ بیلِر.‏

⁶ خودایینگ سُزونی اُورِنِن اُورِدِن بیلِن هِمّه یاخشیلیقلاری پایلاشسین.‏

⁷ خودایی آلداپ بُلیاندیر دییّپ فیکرلِنیپ، اُز-اُزونگیزی آلدامانگ.‏ آدام نَمه اِکسه، شُنی هِم اُریاندیر.‏

⁸ کیم اُز هُوِسی اوچین اِکسه اُل هُوِسدِن وِیرانچیلیغی اُرار.‏ اِمّا کیم روح اوچین اِکسه اُل روحدان اِبِدی یاشایشی اُرار.‏

⁹ یاخشیلیق اِتمِکدِن یادامایلینگ.‏ اِگِر روحدان دوشمِسِک، اُز واقتیندا اُراریس.‏

¹⁰ شُنگا گُرَه-ده، حَضیر واقتیمیز بارقا، هِمّه‌لِره، خاص-دا ایمانداقی دُغانلاریمیزا یاخشیلیق اِدِیلینگ.‏

سونِّتلیلیک دَل-ده، تَزه یارادیلیش واجیپدیر

¹¹ اینه، مِن اُز اِلیم بیلِن سیزه نَهیلی اولی حارپلار بیلِن یازیانیمی گُرونگ!‏

¹² تِنده یاخشی گُرنِسی گِلیَنلِر سیزی سونِّتلِنمَگه مِجبور اِدیَرلِر.‏ اُلار مسیحینگ صلیبی سِبَپلی آزارلانماقدان قُرقوپ شِیله اِدیَرلِر.‏

¹³ اِمّا سونِّتلِنمَنینگ طارافدارلارینینگ اُزلِری-ده شِریغاتی بِرجای اِدیَن دَلدیر.‏ اُلار سیزینگ سونِّتلیدیگینگیز باباتدا قابارماق اوچین، سیزی سونِّتلِتجِک بُلیارلار.‏

¹⁴ مِن بُلسا تانگریمیز عیسی مسیحینگ صلیبیندِن باشغا زات باباتدا آصلا قاباراسیم گِلمِیَر.‏ شو صلیبینگ اوستو بیلِن مِن بو دونیَه اوچین، بو دونیَه-دَه مِنینگ اوچین اُلودیر.‏

¹⁵ چونکی نه سونِّتلیلیگینگ، نه-ده سونِّتسیزلیگینگ اَهمییِتی باردیر.‏ یِکه تَزه یارادیلیش اَهمییِتلیدیر.‏

¹⁶ خودایینگ اسرائیل خالقینا، یَعنی شو قانونی بِرجای اِدیَنلِرینگ بارینا، پاراحاتلیق بیلِن رِحمِت یار بُلسون!‏

¹⁷ موندان بِیلَک هیچ کیم مانگا شو زاتلار باباتدا اِذیِت بِرمِسین!‏ سِبَبی مِنینگ بِدِنیمده عیسی مسیحه باغلیدیغیمی گُرکِزیَن یارالار جایی باردیر.‏

¹⁸ اِی عزیزلِریم!‏ قُی، تانگریمیز عیسی مسیحینگ مِرحِمِتی سیزینگ بیلِن بُلسون.‏ اَمین!‏