اِفِسُسلار 6 - مُقادِّس کیتابفِرزِنت و اِنه-آتا قاتناشیغی 1 اِی فِرزِنتلِر، مسیحینگ خاطیراسی اوچین اِنه-آتانگیزینگ سُزونه قولاق آسینگ، سِبَبی بو دُغرودیر. 2-3 «اِنه-آتانگا حُرمات قُی، شُندا یاخشیلیق گُروپ، یِر یوزونده عُمرونگ اوزاق بُلار». بو خودایینگ واعدا بیلِن بِرِن اَوَّلکی حُکومدیر. 4 اِی آتالار، سیز هِم فِرزِنتلِرینگیزینگ قاهارینی گِتیرمَنگ، قایتام اُلاری مسیحینگ تَعلیم و تِربیِتی بیلِن اولالدینگ. قول و آقا قاتناشیغی 5 اِی قول‍لار، یِردَکی آقانگیزینگ سُزونه اِدیل مسیحینگ سُزونه قولاق آسیان یالی، حُرمات و قُرقی بیلِن تویس یورِکدِن قولاق آسینگ. 6 مونی دینگه اُلارینگ اُوونده گُوون گُرمِک اوچین دَل-ده، شِیله بُلسا مسیحینگ قولوسی حُکمونده خودایینگ اِراداسینی آق یورِکدِن یِرینه یِتیرمِک اوچین اِدینگ. 7 آداملارا دَل-ده، مسیحه خیدمات اِدیَن کیمین تویس یورِکدِن خیدمات اِدینگ. 8 چونکی ایسله قول بُلسون، ایسله آزاد، هِر کیمینگ اُز اِدِن یاخشیلیغینینگ عُوِضینی مسیحدِن آلجاقدیغینی سیز بیلیَنسینگیز. 9 اِی آقالار، سیز هِم قول‍لارینگیزا اِدیل شو یُلدا حِرِکِت اِدینگ، اُلاری قُرقا سالمانگ، سِبَبی اُلارینگ هِم، سیزینگ هِم آسماندا آقانگیزینگ بیردیگینی بیلیَنسینگیز. اُل هیچ کیمه طارافدارلیق اِتمِیَر. خودایینگ بِرِن روحی یاراغلاری 10 شونلوقدا، مسیحینگ بِییک گویجی بیلِن قوواتلانینگ. 11 شِیطانینگ حیله‌لِرینه قارشی دوروپ بیلِر یالی، خودایینگ بِرِن هِمّه روحی یاراغلارینی گِینینگ. 12 سِبَبی بیزینگ اوروشیمیز اینسانلارا قارشی دَل-ده، قایتام حُکومدارلارا قارشی، ایختییارلیلارا قارشی، بو قارانگقی دونیَه‌نینگ گویچلیلِرینه قارشی و آسمانداقی یامانلیق روحیلارینگ قودراتلارینا قارشی اوروشیاریس. 13 شُنونگ اوچین یامان گونده قارشیلیق بِریپ بیلمِگینگیز اوچین، خودایینگ هِمّه یاراغلارینی گِینینگ. شُندا یِرینگیزده قاییم دورماغی باشارارسینگیز. 14 شِیلِلیکده، حاقیقاتی بیلینگیزه قوشاق اِدیپ داقینینگ، تاقوالیغی اِگنینگیزه زِره اِدیپ گِینینگ. 15 آیاغینگیزا بُلسا پاراحاتلیق گِتیریَن خوش خاباری اِعلان اِتمِک تاییارلیغینی گِینینگ. 16 بولارینگ هِمّه‌سینینگ اوستونه-ده، ایمانی سِپَر اِدینیپ داقینینگ! اُنونگ بیلِن شِیطانینگ هِمّه اُدلی تیرلِرینی سُندورمِگی باشارارسینگیز. 17 شِیله هِم نِجات دِمیرتِلفِگینی گِییپ، مُقادِّس روحونگ قیلیجینی، یَعنی خودایینگ سُزونی، اِله آلینگ. 18 هِر بیر یاغدایدا یالبارماق بیلِن، روحدا خودایا دُغا اِدینگ. خاباردار بُلونگ، مُقادِّسلِر اوچین هِمیشه دُغادا بُلونگ. 19 هِر گِزِک کِپلَنیمده، گِرِکلی سُزلِر بِریلسین دییّپ، مِنینگ اوچین هِم خودایا دُغا اِدینگ. شُندا مِن خوش خابارینگ سیرینی قُرقمان اِعلان اِدِرین. 20 سِبَبی مِن خوش خابار اوچین زینجیرلار بیلِن باغلانان سِفیریدیرین. مونی قُرقمان، بُلمالیسی یالی اِعلان اِدیپ بیلمِگیم اوچین دُغا اِدینگ. سالاملار 21 مِنینگ یاغداییمی، نَمه اِدیَنیمی سیزینگ-ده بیلمِگینگیز اوچین، سُیگولی دُغانیمیز، مسیحینگ وِفادار خیدماتکَری تیخیکوس سیزه هِمّه زادی گورّونگ بِرِر. 22 اینه، اِدیل شو ماقصات بیلِن، بیزینگ یاغداییمیزی خابار بِرمِک، شِیله-ده سیزی قوواتلاندیرماق اوچین، مِن اُنی سیزینگ یانینگیزا ایبِریَرین. 23 آتامیز خودایدان، تانگریمیز عیسی مسیحدِن دُغانلاریمیزا پاراحاتلیق، ایمان و سُیگی دیلِیَرین. 24 تانگریمیز عیسی مسیحی اُلمِز-ییتمِز سُیگی بیلِن سُییَنلِرینگ بارینا خودایینگ مِرحِمِتی یار بُلسون! |
© Turkmen Truth