اِفِسُسلار 4 - مُقادِّس کیتابمسیحینگ بِدِنینده بیرلِشمِک 1 عیسی مسیحینگ اوغروندا زینداندا بُلان مِن سیزدِن خودایدان آلان چاغیریلیشینگیزا میناسیپ یاشاماغینگیزی خاییش اِدیَرین. 2 خاص فُروتَن هِم میلاییم بُلونگ. صابیر-طاقاتلی بُلوپ، سُیگی بیلِن بیری-بیرینگیزه جیدانگ. 3 اُزآرا پاراحاتلیقدا یاشاپ، مُقادِّس روحونگ بیرلیگینی قُریماغا تاقالّا اِدینگ. 4 سیز بیر بِدِنه، بیر روحا شِریک بُلیارسینگیز، خودای هِمَّه‌نگیزی بیر اومیدا چاغیراندیر. 5 عیسی مسیح بیر، ایمان بیر و تَعمید هِم بیردیر. 6 هِمّه‌لِرینگ آتاسی خودای-دا بیر، هِمّه زاتدان اوستون، هِمّه زادینگ اوستو بیلِن و هِمّه زاتدا بُلاندیر. 7 اِمّا مسیح بیزینگ هِر بیریمیزه ساخیلیق بیلِن ناغماتلار مِرحِمِت اِدیلدی. 8 مونونگ اوچین مُقادِّس یازغیلاردا شِیله دییّلیَر: «اُل عارشا چیقاندا، اِسیرلِری اُزی بیلِن اِسیرلیگَه اَکیتدی، اینسانلارا ناغماتلار هُدورلِدی.» 9 اُندا «عارشا چیقاندا» دییِن سُز نَمَنی دوشوندیریَر؟ بو مسیحینگ اَوَّل آشاق یِر یوزونه اینِندیگینی دوشوندیرمییَرمی نَمه؟ 10 آشاق اینِن-ده، هِمّه عالِم-جاهانی دُلدورماق اوچین، آسمانلارینگ آسمانینا چیقان-دا اُلدور. 11 اینه، مسیحینگ اُزی کَبیرلِرینی رِسول، کَبیرلِرینی نِبی، باشغا بیریلِرینی مُبَشِر، بِیلِکی بیرلِرینی کِشیش و مُعلِّم اِدیپ بِلِّدی. 12 اُلارینگ وِظیفه‌سی خودایینگ خالقینی اُنگا خیدمات اِتمَگه تاییارلاماقدان و مسیحینگ بِدِنی بُلان کِلیسانی گویچلی اِتمِکدِن عیباراتدیر. 13 مونونگ نِتیجه‌سینده هِمَّه‌میز ایماندا بیر بُلوپ، خودایینگ اُغلونی تانیپ-بیلیپ، مسیح یالی یِتیشیپ دُلی کَمیلّیگه یِتِریس. 14 شِیدیپ، موندان بِیلَک اینسانلارینگ یالانچیلیغینینگ و مِکرلیک بیلِن دوزیَن هِر هیلی تَعلیماتینینگ یِلینَه کُولوپ، اِیلَک-بِیلَک ایتیکلِنیَن چاغالار یالی بُلماریس. 15 تِرسینه، حاقیقاتی سُیگی بیلِن آیدیپ، بِدِنینگ باشی بُلان مسیح یالی هِمّه طارافلایین اُسِریس. 16 اُنونگ یُلباشچیلیغی آشاغیندا هِمّه بِدِن هِر بُغونونگ کُمِگی بیلِن باغلانیپ، اُنگا بیریکدیریلیَر. هِر بُلومینگ تِرتیبلی ایشلِمِگی نِتیجه‌سینده بِدِن اُسیپ، سُیگی بیلِن قُشولیپ حِرِکِت اِدیَر. نورینگ فِرزِنتلِری بُلوپ یاشانگ 17 شُنونگ اوچین عیسی مسیحینگ آدیندان سیزه شونی بویوریارین: موندان بِیلَک بیگانه میلِّتلِر یالی بُش دوشونجِلِر بیلِن یاشامانگ. 18 اُلارینگ آنگ-دوشونجِسینی قارانگقیلیق قاپلادی. نادان و قاتییورِک بُلاندیقلاری اوچین، اُلار خودایینگ بِرِن یاشاییشیندان داش بُلدولار. 19 اُلار هِمّه آر-نامیس بیلمِگینی ییتیریپ، حِریصچیلیک اِدیپ، هِر هیلی پیسّی-پیجورلیق اِتدیلِر و آزماغا یوز اوردولار. 20 اِمّا سیز مسیح بارادا اُورِنِنینگیزده، بِیله زاتلاری اُورِنِن دَلسینگیز. 21 سیز عیسانینگ سُزلِرینی اِشیدِنسینگیز و اُنونگ حاقیقاتینا اِساسلانیپ، تَعلیم آلانسینگیز. 22 اُوال اُورِدیلیشی یالی، اُوالقی یاشاییشینگیزی، یالانچی هُوِسلِر بیلِن یُلدان چیقاران کُهنه اینسانییِتینگیزی چیقاریپ اُقلانگ. 23 مونگا دِرِک فیکرینگیزده و سِراِدیشینگیزده تَزه‌لِنینگ. 24 حاقیقی تاقوالیق و مُقادِّسلیک بیلِن خودای کیمین یارادیلان تَزه اینسانییِتلیگه گِین‍نینگ. 25 ایندی یالان آیتمانگ-دا، هِر بیرینگیز اُز هِمسایانگیزا حاقیقاتی آیدینگ. چونکی بیزینگ هِمَّه‌میز بیر بِدِنینگ بُلوملِریدیریس. 26 قاهارلانیپ گونَه اِتمَنگ. قاهارینگیزینگ اوستونه گون یاشماسین. 27 شِیطانا فُرصَت بِرمَنگ. 28 اُغورلیق اِدِن ایندی اُغورلیق اِتمِسین! قایتام، اُز اِل‍لِری بیلِن زَحمِت چِکیپ، مَحتَجه پایلاماغا زادی بُلار یالی، پِیدالی ایش اِتسین. 29 آغزینگیزدان هیچ هاچان بیدِرِک سُز چیقماسین. قایتام، دینگلِیَنلِرینگ مَحتَجلیکلِرینه گُرَه، گِرِکلی سُزلِری آیدیپ، اُلاری قوواتلاندیرینگ، شُندا آیدانلارینگیز اُلارا پِیدا گِتیرِر. 30 خودایینگ مُقادِّس روحونی غامگین اِتمَنگ. چونکی سیز آزاد بُلما گونی اوچین شُل مُقادِّس روح بیلِن مُهورلِنِنسینگیز. 31 هِر یامانلیق بیلِن کینه، قاهار، غاضاب، قالماغال، تُهمِت و ییگرِنجی سیزدِن داش بُلسون. 32 بیری-بیرینگیزه مَهیرلی و رِحم-شِپاقاتلی بُلونگ. خودای سیزی مسیحینگ اوستو بیلِن باغیشلایشی یالی، سیز هِم بیری-بیرینگیزی باغیشلانگ. |
© Turkmen Truth