اِفِسُسلار 3 - مُقادِّس کیتابپولسه آیان بُلان سیر 1 شو سِبَپلی مِن پولس سیز یَهودی دَل‍لِر اوچین عیسی مسیحینگ اوغروندا زینداندا بُلدوم. مِن سیزینگ اوچین خودایا دُغا اِدیَرین. 2 اُز مِرحِمِتینی سیز یَهودی دَل‍لِره یِتیرمِک اوچین، خودایینگ مانگا آیراتین تابشیریق بِرِندیگینی، اِلبِتّه، اِشیدِنسینگیز. 3 سیزه اُوال قیسغاچا یازیشیم یالی، خودای مانگا اُز سیرینی آیانلیق بیلِن اَشکَر اِتدی. 4 نامه‌می اُقیانگیزدا، مسیحینگ بو سیرینا مِنینگ نَدِرِجِده دوشونیَندیگیمی بیلیَرسینگیز. 5 خودای بو سیری اُوالقی نِسیل‍لِره اَشکَر اِتمَن، ایندی حَضیر مُقادِّس روحونگ اوستو بیلِن اُز مُقادِّس اِنبیا و رِسول‍لارینا اَشکَر اِتدی. 6 اینه، خودایینگ سیری شودور: خوش خاباری قابول اِدیَن یَهودی دَل‍لِر هِم یَهودیلِره بِرلِن بِرِکِت واعداسینا، بیر بِدِنه و بیر میراثا عیسی مسیحده دِنگ دِرِجه‌ده شِریکدیرلِر. 7 مِن خودایینگ بِییک قودراتی و هُدورلَن مِرحِمِتینگ اوستو بیلِن خوش خابارینگ خیدماتچیسی بُلدوم. 8 مِن خودایینگ خالقینینگ آراسیندا اینگ اَهمییِتسیزیدیم، اِمّا مونگا باقمازدان مسیحینگ عاقیل یِتمِز بایلیغینی یَهودی دَل‍لِره واغیظ اِتمِک جُغاپکَرچیلیگینی خودای شو مِرحِمِتی مانگا هُدورلِدی. 9 هِمّه زادی یارادان خودای قادیمدان بَری بو سیری اُز حوضوریندا ییغشیریپ ساقلادی، بو سیرینگ مَعنیسینینگ نَمِدیگینی ایندی هِر بیر اینسانا اَشکَر اِتمِکلیک مانگا بِریلدی. 10 اُزونینگ هِر هیلی حِکمِتلیگی کِلیسانینگ اوستو بیلِن آسمانداقی حُکومدارلارا و ایختییاردارلارا بیلدیریلسین دییّپ، خودای شِیله اِتدی. 11 بو خودایینگ اُزال-باشدان بَری بَرنامه‌سی بُلوپ، اُنی تانگریمیز عیسی مسیحینگ اوستو بیلِن یِرینه یِتیردی. 12 عیسی مسیح و اُنگا بُلان ایمانیمیزینگ اوستو بیلِن بیز خودایینگ حوضورینا اولی اینام و باتیرلیق بیلِن یاقینلاشیپ بیلیَریس. 13 شُنونگ اوچین هِم، اوغرونگیزدا چِکیَن قایغی-حاسراتلاریم سِبَپلی سیزینگ یورِگینگیز ساویماسین دییّپ خاییش اِدیَرین. قایتام، بولار سیزه حُرمات گِتیریَندیر. پولسینگ اِفِسُسلار اوچین دُغاسی 14-15 شِیلِلیکده، یِرده و آسماندا هِر بیر ماشغالا آدینی اُزوندِن آلان آتامیزینگ حوضوریندا مِن دیزا چُکیَرین. 16 قُی، اُل اِندازاسیز بِییکلیگی بیلِن اُز روحونینگ اوستو بیلِن سیزینگ ایچینگیزدَکی بارلیغینگیزی قودرات بیلِن گویچلِندیرسین. 17-18 عیسی مسیح ایمانینگیزینگ اوستو بیلِن یورِکلِرینگیزده یاشاسین. شِیله-ده، مِن سُیگینینگ سیزده کُک اوروپ یِرلِشمِگینی، مسیحینگ سُیگوسینینگ نَهیلی گینگ، اوزین، بِییک و چونگّوردیغینا هِمّه مُقادِّسلِری بیلِن بیرلیکده دوشونمِگینگیزی خودایدان دیلِیَرین. 19 هاووا، سیز مسیحینگ آیری-آیری دوشومدِن اوستون بُلان بو سُیگوسینه عاقیل یِتیرمِگی باشارارسینگیز. شُندا خودایینگ هِمّه کِمالاتی بیلِن دُلدوریلارسینگیز. 20 بیزده ایشلِیَن قودراتینا گُرَه، خودای هِر بیر خاییشیمیزدان، فیکریمیزدِن هِم خاص یُقاری زاتلاری اِتمِگی باشاریاندیر. 21 کِلیسا و عیسی مسیحینگ اوستو بیلِن، قُی، خودایا نِسلدِن-نِسله اِبِدی بِییکلیک بُلسون! اَمین. |
© Turkmen Truth