اِفِسُسلار 2 - مُقادِّس کیتابمسیحده تَزه یاشاییش 1 اُوال سیز موطیع‌سیزلیغینگیز و گونَه‌لِرینگیز سِبَپلی اُلودینگیز. 2 اِدیل دونیَه‌دَکی بِیلِکی آداملار یالی سیز-ده گونَه‌لی یاشاییشینگ ایزینا دوشوپ، خودایا موطیع بُلمادیقلارا هِنیز-ده تاثیرینی یِتیریَن گُنگدَکی روحی گویچلِرینگ حُکومدارینا عِمِل اِدیَردینگیز. 3 بیر واقتلار بیزینگ هِمَّه‌میز شُلار یالی یاشاماغی عادات اِدیندیک. بیز اینسان طِبیغاتینینگ هُوِسلِرینه، ایسلِگلِرینه و فیکرلِرینینگ ایزینا دوشدیک. شِیلِلیکده، بیز-ده بِیلِکیلِر یالی، اینسان طِبیغاتیمیزا گُرَه، خودایینگ غاضابینا دوچار بُلان آداملاردیق. 4-5 اِمّا گونَه‌لِریمیز سِبَپلی اُلی هِم بُلساق، رِحمدارلیغا بای خودای اُزونینگ اولی سُیگوسینی گُرکِزیپ، بیزی مسیح بیلِن بیلِلیکده دیرِلتدی. سیز خودایینگ مِرحِمِتی بیلِن نِجات تاپدینگیز. 6 هاووا، خودای بیزی مسیح بیلِن بیله دیرِلتدی و اُنونگ اوستو بیلِن بیزی آسمانداقی عالِمده اُتورتدی. 7 اُل مونی عیسی مسیحینگ اوستو بیلِن بیزه اِدِن مِرحِمِتینینگ و یاخشیلیغینینگ اِندازاسیز بایلیغینی گِلجِک زاماندا گُرکِزمِک اوچین اِتدی. 8 چونکی سیز ایمانینگ اوستو بیلِن و خودایینگ مِرحِمِتی بیلِن نِجات تاپیلدینگیز. بو سیزینگ اُز تاقالّانگیز بیلِن بُلمادی، دینگه خودایینگ ناغماتیدیر. 9 هیچ کیم اینسان تاقالّاسی بیلِن نِجات تاپدیم دییّپ قابارماسین. 10 سِبَبی خودای بیزی عیسی مسیحینگ اوستو بیلِن یاراتدی. اُل بیزی اُوالدان تاییارلاپ قُیان یاخشی ایشلِرینی اِتمِگیمیز اوچین یاراتدی. مسیح بیلِن بیرلِشمِک 11 شُنونگ اوچین، اِی یَهودی بُلمان دونیَه گِلِنلِر! شونی یادینگیزا سالینگ، بِدِنده آدام اِلی بیلِن عِمِله گِلِن سونِّتلیلیک بیلِن سونِّتلی دییّپ آیدیانلارینگ طارافیندان سونِّتسیز دییلِن سیز. 12 شُل واقتلار سیز مسیحدِن آیریدینگیز، اسرائیل میلّیِتیندِن ماحرومدینگیز، خودایینگ اُز خالقینا اِدِن عَهدی-واعدالاری سیزه باغلی دَلدی. سیز بو دونیَه‌ده خودایسیز و اومیدسیزدینگیز. 13 اِمّا بیرواقتلار خودایدان اوزاق بُلان سیز ایندی عیسی مسیحینگ دُکِن قانی بیلِن اُنگا یاقینلاشدینگیز. 14 حاقیقاتدانام، مسیحینگ اُزی بیزینگ پاراحاتلیغیمیزدیر. اُل اُز جانینی قربانی اِدیپ، بو ایکی خالقی، یَعنی یَهودی و یَهودی دَل‍لِری بیر اِتدی، اُلارینگ آراسینداقی دوشمانچیلیق دیوارینی ییقیپ دارغاتدی. 15 اُل شِریغاتینگ قانونلارینی و دِستورلارینی باطیل اِتدی-ده، ایکی خالقی بیرلِشدیریپ، تَزه بیر خالق یاراتدی و پاراحاتچیلیغی بِرقارار اِتدی. 16 اُل صلیبدَکی اُلومینگ اوستو بیلِن دوشمانچیلیغی یُق اِتدی و ایکی اویشمِلِنگی بیر بِدِن کیمین اِدیپ، اُلاری خودای بیلِن یاراشدیردی. 17 مسیح گِلیپ، خودایدان اوزاقدا بُلان سیزه و قُلایدا بُلان اُلارا بو پاراحاتلیق خوش خابارینی اِعلان اِتدی. 18 ایندی مسیحینگ اوستو بیلِن بیزینگ هِمَّه‌میز یَهودی و یَهودی دَل‍لِر بیر روح بیلِن آتانینگ حوضورینا باریپ بیلیَریس. 19 شِیلِلیکده، اِی یَهودی دَل‍لِر، سیز موندان بِیلَک بیگانه و کِسِکی دَلسینگیز، دینگه خودایینگ مُقادِّس خالقینینگ واطانداشیسینگیز و خودایینگ ماشغالاسینا باغلیسینگیز. 20 سیز قاییم بُنیادینگ اوستونده بینا اِدیلِنسینگیز. بو بُنیاد رِسول‍لار و پیغامبارلاردیر. اُنونگ بورچ داشی بُلسا عیسی مسیحینگ اُزودیر. 21 هِمّه عمارات عیسی مسیح بیلِن بیرلِشیَر و اُسوپ، خودایدا بیر مُقادِّس عیباداتخانا بُلوپ اُرولیَرلِر. 22 سیز هِم خودایینگ مُقادِّس روحونینگ اوستو بیلِن مِسکِنی بُلماق اوچین، هِمَّه‌نگیز بیرلیکده مسیحده بینا اِدیلیَرسینگیز. |
© Turkmen Truth