اِفِسُسلار 1 - مُقادِّس کیتاب

¹ خودایینگ اِراداسی بیلِن عیسی مسیحینگ رِسولی بُلان مِن پولسدِن اِفِسُسداقی مُقادِّسلِره، یَعنی عیسی مسیحده وِفادارلارا، دُغایی سالام!‏

² آتامیز خودایی و تانگریمیز عیسی مسیحینگ مِرحِمِتی و پاراحاتلیغی، قُی، سیزه بُلسون!‏

مسیحده آلیان روحی بِرِکِتلِریمیز

³ تانگریمیز عیسی مسیحینگ آتاسی خودایا اُوگولِر بُلسون!‏ اُل بیزی مسیحده آسمانداقی روحانی بِرِکِتلِرینگ هِمّه‌سی بیلِن بِرِکِتلِدی.‏

^4-5 اُز حوضوریندا مُقادِّس و عایپسیز بُلماغیمیز اوچین، خودای بیزی دونیَه یارادیلمازدان اُزال سایلاپ-سِچدی، و سُیگیده عیسی مسیحینگ اوستو بیلِن بیزی اُغولّیغا آلماق بارادا اُوالدان قارارا گِلیپدی.‏ بو اُنونگ گُونوندِن توروپ، اِراداسی بیلِن بُلدی.‏

⁶ عزیز اُغلونینگ اوستو بیلِن بیزه بُلدان-بُل اِلی آچیق بِییک مِرحِمِتی اوچین خودایا اُوگولِر بُلسون!‏

⁷ خودای قاتی بای مِرحِمِتی بیلِن اُغلونینگ دُکِن قانینینگ اوستو بیلِن گونَه‌لِریمیزی باغیشلاپ، بیزی آزاد اِتدی.‏

⁸ شِیله هِم، بو مِرحِمِتینگ اوستو بیلِن اُل بیزی هِمّه حِکمِتی و دوشونجِسی بیلِن تُوِرِگیمیزی آلدی.‏

⁹ خودای اُزال-باشدان مسیحده یِرینه یِتیرِن یاخشی نییِتلِرینینگ اوستو بیلِن اُز ایسلِگینینگ سیرینی بیزه اَشکَر اِتدی.‏

¹⁰ واقتی گِلِنده، خودای بو نییِتینی یِرینه یِتیریپ، یِردَکی و آسمانداقی هِمّه زاتلاری بیر باشا، یَعنی مسیحده، بیرلِشدیرِر.‏

^11-12 هِمّه زادی اُز ایسلِگینه لاییقلیقدا یِرینه یِتیریَن خودای اُز نییِتینه گُرَه بیزی اُودِن بِلَّپ، مسیحینگ اوستو بیلِن سایلاپ-سِچدی.‏ اُل مونی بیزینگ، یَعنی عیسی مسیحه اَوَّلکی بُلوپ ایمان گِتیرِنلِرینگ خودایینگ جِلالینی عارشا گُتِرمِگیمیز اوچین عِمِل اِتدی.‏

¹³ ایندی سیز هِم حاقیقات سُزونی، یَعنی نِجات تاپماق باراداقی خوش خاباری اِشیدیپ، مسیحه ایمان گِتیردینگیز.‏ شُنگا گُرَه-ده خودایینگ واعدا بِرِن مُقادِّس روحی بیلِن مُهورلِندینگیز.‏

¹⁴ خودایا باغلی آداملار آزاد بُلیانچا، مُقادِّس روح بیزینگ میراثیمیزینگ ضامِنیدیر.‏ بولارینگ باری خودایا جِلال گِتیریَر.‏

شوکور و دُغا اِتمِک

^15-16 شُنگا گُرَه تانگریمیز عیسی بُلان ایمانینگیزی و خودایینگ هِمّه خالقینا بُلان سُیگینگیزی اِشیدِنیم بَری، سیزینگ اوچین خودایا بیرسیخلی شوکور اِدیپ، دُغالاریمدا سیزی دیلیمدِن دوشورِمُق.‏

¹⁷ مِن خودایا، تانگریمیز عیسی مسیحینگ بِییک آتاسینا، سیزینگ اوچین دُغا اِدیَرین.‏ قُی، اُل سیزه اُنی خاص قاوی تانیپ بیلمِگینگیز اوچین، سیزه مُقادِّس روحونگ حِکمِتینی هِم آیانلیغینی بِرسین.‏

^18-20 خودایینگ اُز چاغیرانلارینا و بِرِن اومیدینا، خالقینا بِرِن بِییک میراثینینگ بایلیغینا و بیز ایمان گِتیرِنلِره گُرکِزِن دِنگسیز-تایسیز قودراتینا گُز یِتیرمِگینگیز اوچین، قُی، اُل یورِگینگیزینگ مِرتِبه‌سینی نورلاندیرسین دییّپ دُغا اِدیَرین.‏ بو قودرات خودایینگ مسیحی دیرِلدیپ، آسماندا اُز ساغیندا اُتوردان گویجونه مِنگزِشدیر.‏

²¹ خودای مسیحی هِمّه حُکومدارلیقدان، ایختییارلیقدان، گویچ-قودراتدان و آقالیقدان، شِیله هِم دینگه بو زاماندا دَل، اُندان باشغا گِلجِک زاماندا-دا توتولجاق هِر بیر آددان خاص یُقاری قُیدی.‏

²² خودای هِمّه زادی اُنونگ آیاقلارینینگ آشاغینا قُیوپ، کِلیسا اوچین اُنی هِمّه زادا باش اِدیپ بِردی.‏

²³ کِلیسا مسیحینگ بِدِنیدیر، یَعنی اُنونگ دُلولیغی هِر زادی هِر تایدان دُلدورییاندیر.‏