کولُسیلِر 4 - مُقادِّس کیتاب

¹ اِی آقالار، قول‍لارینگیز باباتدا عادالاتلیغی و دِنگلیگی بِرجای اِدینگ، سِبَبی اُزونگیزینگ هِم آسماندا آقایینگیزینگ باردیغینی بیلیَنسینگیز.‏

پولسینگ سُنگقی تابشیریقلاری و سالاملاری

² ایخلاص بیلِن هِمیشه دُغا اِدینگ، دُغادا شوکور اِدیپ، هوشیار بُلونگ.‏

³ بیزینگ اوچین هِم دُغا اِدینگ:‏ خودایینگ سُزونی یایرادیپ، مسیحینگ سیرینی آیان اِدِر یالی، اُنونگ اُزی بیزه قاپی آچیپ بِرسین.‏ اینه، شُنونگ اوچین هِم مِن زینداندادیرین.‏

⁴ بو سیری بُلمالیسی یالی آچیق بِیان اِتمِگیم اوچین دُغا اِدینگ.‏

⁵ مسیحه ایمان گِتیرمِدیکلِر بیلِن هِم واقتینگیزی حِکمِتلی گِچیرینگ و فُرصَتی اِلدِن بِرمَنگ.‏

⁶ هِر کیمه نَهیلی جُغاپ بِرمِلیدیگینگیزی بیلِر یالی، سُزونگیز هِمیشه یُقوملی و مَعنیلی بُلسون.‏

⁷ مسیحینگ صادیق خیدماتکَری بُلان سُیگولی هِمکَریمیز هِم دُغانیمیز تیخیکوس مِن حاقدا سیزه هِمّه زادی خابار بِرِر.‏

⁸ یاغداییمیز بارادا خابار بِرمِک و سیزه گُوونلیک بِرمِک اوچین مِن اُنی سیزینگ یانینگیزا ایبِریَریم.‏

⁹ اُنونگ بیلِن بیله یانینگیزا اُز شَهرینگیزدِن بُلان، صادیق و عزیز دُغانیمیز اونِسیموس-دا بارار.‏ اُلار سیزه بو یِرده بُلوپ گِچیَن هِمّه واقالاری گورّونگ بِرِرلِر.‏

¹⁰ مِنینگ بیلِن زینداندا بُلیان یُلداشیم آریستارخوس بیلِن بارنابانینگ یِگِنی مَرقُس هِم سیزه سالام یُلّایار.‏ مَرقُس باراداقی تابشیریقلاری آلانسینگیز.‏ یانینگیزا بارسا، اُنی قابول اِدینگ.‏

¹¹ یوستوس لاقابلی یِشوع هِم سیزه سالام آیدیار.‏ خودایینگ پادیشاهلیغی اوغروندا زَحمِت چِکیَن یَهودی هِمکَرلِریم دینگه شولاردیر.‏ اُلار مانگا تِسِلّی بِریپ گِلیَرلِر.‏

¹² اُز شَهرینگیزدِن بُلان، عیسی مسیحینگ خیدماتچیسی، اِپافراس هِم سیزه سالام یُلّایار.‏ خودایینگ هِر بیر ایسلِگینی دُلی بیلمِگینگیز و ایماندا قاییم دوروپ، کَمیل بُلماغینگیز اوچین، اِپافراس ایخلاص بیلِن هِمیشه دُغا اِدیَر.‏

¹³ اُنونگ سیزینگ اوچین، شِیله-ده لائودیکیه‌دَکی و هیراپولیسدَکی ایماندارلار اوچین آرمان-یادامان زَحمِت چِکیَندیگینه مِن شاهاتدیرین.‏

¹⁴ عزیز طِبیب دُستومیز لوقا بیلِن دیماس هِم سیزه سالام یُلّایار.‏

¹⁵ لائودیکیه‌دَکی دُغانلارا، نیمفا اِجِکِمیزَه و اُنونگ اُیوندَکی کِلیساسینا سالام آیدینگ.‏

¹⁶ شو نامه آرانگیزدا اُقیلاندان سُنگ، اُنی لائودیکیه‌دَکی کِلیساسیندا هِم اُقیدینگ.‏ سیز هِم لائودیکیه‌دِن گِلِن نامه‌نی اُقیینگ.‏

¹⁷ آرخیپوسا:‏ ‏«‏مسیحینگ تابشیران خیدماتینی آخیرینا چِنلی کَمیل بیتیرجِکدیگینگه دیقّاتلی بُل»‏ دییّپ آیدینگ.‏

¹⁸ مِن پولس بو سالامی اُز اِلیم بیلِن یازیارین.‏ مِنینگ زینداندادیغیمی یاددان چیقارمانگ.‏ خودایینگ مِرحِمِتی سیزه یار بُلسون!‏